Zaburi 34:18 - Digo Bible

¹⁸ Mwenyezi Mlungu a phephi na chiyekuluhukpwa na nkumtivya hiye ambaye akavundzika moyo.

Zaburi 34:18 Referans Kwoze

Zaburi 147:3

Anaphoza marenda ariovundzika moyo na kualagula vironda vyao.

Zaburi 145:18

Mwenyezi Mlungu a phephi na osi amvoyao, osi amuihao kpwa uaminifu.

Isaya 57:15

Mana vivi ndivyo aambavyo iye ariye dzulu, iye aunulwaye sana, iye ariye moyo hata kare na kare, ambaye dzinare ni Mtakatifu, “Mimi nasagala phatu phatakatifu pharipho dzulu, chisha ninasagala phamwenga na nyo adzitserezao na kutubu, ili niatiye nguvu nyiphya.

Isaya 61:1

Roho wa Mwenyezi Mlungu a phamwenga nami, mana Mwenyezi Mlungu akanipaka mafuha nihubiri habari nono kpwa achiya. Akanihuma niphoze marenda atu ariovundzika mioyo, nitangazire atumwa uhuru wao, na kuvugulwa kpwa afungbwa.

Zaburi 51:17

Sadaka Mlungu alondayo ni roho iriyovundzika. Mutu mwenye moyo uriovundzika na kutubu kabisa, uwe Mlungu, undamphokera.

Ezekieli 36:26

Nindakuphani moyo muphya na roho nyiphya; nindakuusirani moyo mufu na nkupheni moyo wa kuvundzika.

Isaya 66:2

Vitu vivi vyosi navitengeza na mkpwono wangu, navyo vichikala,” Mwenyezi Mlungu anaamba. Nkuhamirwa ni hara adzitserezao na kutubu, aniogophao na kunitii.

Zaburi 85:9

Hakika iye a tayari kutivya hinyo amuogophao, ili ngumaye isale kpwenye tsi yehu.

Isaya 55:6

Muendzeni Mwenyezi Mlungu, wakati achere phahikana, muiheni wakati achere phephi.

Luka 4:18

“Roho Mtakatifu a phamwenga nami, mana wanitsambula niarehere achiya habari nono. Akanihuma niatangazire afungbwa kuvugulwa kpwao na niatangazire vipofu kala andaona, kuaika huru aonerwao,

Zaburi 119:151

Ela uwe u phephi nami, ee Mwenyezi Mlungu, na malagizogo gosi ni ga kpweli.

2 Afalume 22:19

Kpwa kukala moyoo ukakubali upesi nawe ukagbwa maguluni mbere za Mwenyezi Mlungu uchiphosikira manenoge chinyume cha phatu phapha na atu asagalao mumo, kukala pho phatu phandakala gandzo, na atu alaniwe, nawe ukakpwanyula mavwazigo na kurira mbere zangu, mimi nami nkakusikira, Mwenyezi Mlungu anaamba.

Ezekieli 36:31

Ndipho mundatambukira kukala njira zenu kala ni mbii na mahendo genu tagayakala manono namwi mundadzitsukirirwa kpwa sababu ya dambi zenu na mahendo genu ga kutsukiza.

Zaburi 75:1

Hunakushukuru, ee Mlungu, hunakushukuru, kpwa kukala dzinaro ri phephi, na kusemurira kuhusu mahendogo makulu.

2 Afalume 20:5

“Uya ukamuambire Hezekiya, chilongozi wa atu angu, ‘Mwenyezi Mlungu anakuamba hivi, Mwenyezi Mlungu, Mlungu wa mkareo Daudi, nkasikira voyoro na nkaona matsozigo. Kpweli ndakuphoza na bada ya siku tahu undaphiya ndani ya nyumba ya Mwenyezi Mlungu.

Zaburi 18:7

Yo tsi yasumba na ichikakama, misingi ya myango ichisumba kpwa sababu Mlungu kala akatsukirwa.

Zaburi 145:19

Nkuatimizira haja zao osi amuogophao, tsona nkusikira chiriro chao na kuativya.