Zaburi 33:10 - Digo Bible

¹⁰ Mwenyezi Mlungu nkubananga mipango ya mataifa ganjina na kuzuwiya mipango ya atu isikale.

Zaburi 33:10 Referans Kwoze

Zaburi 21:11

Dzagbwe nkukupangira mai, taandafwaulu.

Isaya 44:25

Ndimi niikaye wazi handzo ra manabii a handzo, na kuahenda apigi a mburuga aonekane azuzu, nigaluzaye marifwa ga enye ikima na kugahenda gakale uzuzu.

Misemo 21:30

Takuna ikima, wala ufahamu, wala mashauri ga mwanadamu ambago ganaweza kupinga Mwenyezi Mlungu.

2 Samueli 15:31

Daudi achiambirwa kukala, “Ahithofeli ni mmwenga wa hinyo ariokuricha achigbwirana na Abusalomu.” Ndipho Daudi achiamba, “Ee Mwenyezi Mlungu, nakuvoya, urigaluze shauri ra Ahithofeli rikale ovyo.”

Zaburi 140:8

Ee Mwenyezi Mlungu, usiaphe ayi alondago, usiriche mipango yao mii ikaongokerwa.

Zaburi 9:15

Mataifa ganjina gasigommanya Mlungu gakagbwa kpwenye dibwa chiroritsimba enye, mihego yao ikaagbwira enye.

2 Samueli 17:23

Naye Ahithofeli ariphoona kukala mashaurige tagakalungbwa, wapanda pundawe achiuka, achiphiya kpwakpwe kaya hiko kpwao mudzini. Bada ya kuika sawa mambo ga mwakpwe nyumbani, wadzisongola na achizikpwa phao vikurani.

Isaya 19:3

Amisiri andavundzika moyo tsetsetse na mipango yao ndaibananga. Andaendza ushauri wa vizuka na koma, atu auzao koma na aganga.

Isaya 44:23

Imbani kpwa kuhererwa mwi murio mlunguni, mana Mwenyezi Mlungu ndiye achiyehenda vivyo. Pigani kululu mwi vivwa vya dunia, imbani mwi myango, imba uwe tsaka na chila muhi uriomumo, mana Mwenyezi Mlungu akamkombola Jakobo, naye andadzipha nguma kahi za Iziraeli.”

2 Samueli 17:14

Naye Abusalomu na atu osi a Iziraeli achiamba, “Ushauri wa Hushai ni mnono kuriko ushauri wa Ahithofeli.” Kpwa mana Mwenyezi Mlungu kala wakusudiya kurivundza shauri nono ra Ahithofeli ili amrehere Abusalomu mashaka.

2 Samueli 15:34

Ela uchiuya mudzini, na umuambire Abusalomu, ‘Mino ndakala mtumishio, ee mfalume; dza vyo nrivyokala mtumishi wa sowe hipho kare, ndivyo ndivyokala mtumishio,’ ndipho undaweza kubananga ushauri wa Ahithofeli kpwa ajili yangu.

Mwandzo 11:8

Kpwa hivyo Mwenyezi Mlungu achiatsamula dunia ndzima na achiricha kudzenga nyo mudzi.

2 Afalume 6:9

Ela ye Mutu wa Mlungu wamuhumira mfalume wa Iziraeli ujumbe adzimanyirire asitsupe na phatu hipho, kpwa mana Aaramu andamshambuliya.

Nehemia 4:9

Ela swino huchimvoya Mlungu wehu chisha huchiika arindzi a usiku na a mutsi kudzirinda nao.

Jeremia 19:7

Chisha ndabananga mipango ya atu a Juda na a Jerusalemu nami ndahenda atu aho aolagbwe na upanga ni maadui gao. Nindaatiya mikononi mwa nyo aendzao uhai wao, na nyufu zao zindakala chakurya cha nyama a mapha na nyama a tsakani.

Ezekieli 20:32

“ ‘Na go muazago mwenu mioyoni tagandakala bii, mana munaamba, “Swiswi nahukale dza atu a mataifa na makabila ga tsi zanjina ambao anaabudu vizuka vya mihi na vya mawe.”

Malaki 1:4

Aedomu ambao ndio mbari ya Esau anaamba, “Dzagbwe hwapigbwa na midzi yehu ichibomolwa, hundauya tsona hwedze hugadzenge luphya higo magandzo gehu.” Ela hiye Mwenyezi Mlungu, Mlungu wa majeshi anaamba, “Hata akadzenga tsona, chisha mino ndabomola hadi iyo tsi yao iihwe ‘tsi ya uyi’ na hinyo enye, aihwe ‘atu arioreyerwa ni Mwenyezi Mlungu hata kare na kare.’