Zaburi 32:4 - Digo Bible

⁴ Usiku na mutsi mkpwonoo wanitiya adabu mkpwotse wangu wasira dza madzi gaumavyo wakati wa kazikazi.

Zaburi 32:4 Referans Kwoze

1 Samueli 5:11

Kpwa hivyo ahuma atu kpwendakusanya akulu osi a Afilisti, achiaambira, “Hiri sanduku ra Mlungu wa Iziraeli nariuswe riuyizwe kpwao, ili risihuolage swiswi, phamwenga na atu ehu.” Ahenda hivyo kpwa sababu mudzi wosi kala ukainjirwa ni wasiwasi mkpwulu sana mana Mlungu kala akaandza kare kubwaga nduni.

Zaburi 22:15

Umiro wangu ukauma dza chidzaya na lilimi rangu rikagbwirana na lilakalaka. Nawe ukaniricha vumbini ili nifwe.

Ayubu 33:7

Taphana sababu ya kuniogopha, maneno gangu tagandakala maziho kpwako.

Sonono za Jeremia 5:10

Miri yehu i moho dza dziko ra kuochera mikahe, chisa ni ndzala.

Sonono za Jeremia 4:8

Vivi nyuso zao ni nyiru kushinda misizi, nao taaweza kumanyikana mo njirani. Ngozi zao zikahenda nyambwi, na zikaumalala dza mbao.

Ayubu 30:30

Ngozi yangu inakala nyiru na inayuka, na mwiri wangu unaphya na dzoho ra homa.

Ayubu 16:21

Naaza kala phana mutu wa kunihehera mbere za Mlungu, dza vira mutu aheheravyo msenawe.

1 Samueli 6:9

“Tsona lolani, ichikala rukpwama hiro rindavwehwa kpwa njira ya mwenga kpwa mwenga kuvuka mphaka kuelekeya tsi ya kpwao, yani kuphiya Bethi-Shemeshi, phahi, ndipho hundamanya ni iye ariyehurehera nduni hino. Ela napho tarindalunga njira hiyo, ndipho hundiphomanya ya kukala sio mkpwonowe uriohupiga, yakala ni bahati mbaya.”

1 Samueli 5:9

Ariphoriphirika Gathi, kuko nako Mwenyezi Mlungu wakubwaga nduni. Waagbwiza maphu atu a mudzi hinyo avyere kpwa adide, nao achikala na wasiwasi sana.

Ruthi 1:13

Dze, mngeweza kudzizuwiya msilólwe ni atu anjina? Kpwa kpweli taviwezekana kpwa sababu Mwenyezi Mlungu akanitsupha, kpwa hivyo anangu nina utsungu kuriko mwimwi.”