Zaburi 31:8 - Digo Bible

⁸ Uwe kunitiire mikononi mwa maadui gangu ela ukaniika phatu phapana.

Zaburi 31:8 Referans Kwoze

Ayubu 36:16

Mlungu wakutuluza tabuni achikulongoza phatu wazi, phasipho shida, na kuodzaza mezayo na vyakurya vinono-vinono.

Zaburi 18:19

Achinituluza achiniphirika phatu pharipho na nafwasi, achinitivya kpwa kukala kala ninamhamira.

Zaburi 4:1

Ee Mlungu, mhehezi wa haki yangu, nijibu nivoyapho. Nriphokala na shida, uwe waniterya. Vivi nionera mbazi na uniphe nivoyaro.

Kumbukumbu 32:30

Mutu mmwenga anawezadze kuaturya atu elufu mwenga, na atu airi akaweza kuzoresa atu elufu kumi, isiphokala Mwamba wao ukale ukaaguza, isiphokala Mwenyezi Mlungu akale akaarichira tsari?

Isaya 19:4

Nindaatiya Amisiri mkpwononi mwa mutu jaili, andatawalwa ni mfalume msiru.” Mwenyezi Mlungu, Mlungu wa majeshi akagomba.

1 Samueli 24:18

Rero ukanionyesa vira uchivyonihendera manono, mana Mwenyezi Mlungu akanitiya mwako mikononi ela we kuniolagire.

1 Samueli 17:46

Vivi rero Mwenyezi Mlungu andakutiya mwangu mkpwononi, nami ndakupiga na chitswacho ndachikata. Nami, vi rero nyufu za majeshi ga Afilisti ndazipha nyama a mapha na nyama a tsakani, ili dunia ndzima imanye kukala Iziraeli kuna Mlungu.

Zaburi 88:8

Ukahenda asena angu anizire, ukanihenda nikale tsukizo kpwao. Nkafungirwa na siweza kutuluka,

Ayubu 16:11

Mlungu akanitiya mikononi mwa enye dambi, na kunilavya kpwa atu ayi.

1 Samueli 26:8

Abishai achimuambira Daudi, “Rero Mlungu akamtiya mvihao mwako mikononi, phahi niricha nimdunge fumo mwenga tu hadi ridunge photsi, sindamdunga kano mbiri.”

Kutsama 2:25

Mlungu waona vira Aiziraeli arivyokala anagayiswa, na achiaonera mbazi.

Kumbukumbu 26:7

Ndipho huchimririra Mwenyezi Mlungu, Mlungu wa akare ehu naye achisikira chiriro chehu na kuona kugaya kpwehu, kazi ngumu na vira hurivyoonerwa.

Zaburi 10:14

Ela uwe unaona yo ziki na yo shida anayosababisha, nawe u tayari kuatiya adabu. Mnyonje anakuadamira uwe uwe ndiwe msada wa anachiya.