Zaburi 27:5 - Digo Bible

⁵ Mana siku ya tabu andanifwitsa phakpwe makaloni; andanifwitsa mwakpwe hemani, na kuniika salama kpwenye mwamba urio dzulu.

Zaburi 27:5 Referans Kwoze

Misemo 18:10

Dzina ra Mwenyezi Mlungu ni ngome imara, atu a haki achirikuluphira andakala salama.

Zaburi 31:20

Ukuafwitsa phapho uripho, kure na njama mbii za atu unaaika salama kpwenye makalogo kure na atu anaoashitaki.

Zaburi 138:7

Hata ntsupirapho shida, uwe unanirinda. Unagolosa mkpwonoo dzulu ya maadui gangu achionitsukirirwa, na unanitivya kuhumira mkpwonoo wa kulume.

Zaburi 91:1

Mutu akalaye kahi ya makalo ga Ariye Dzulu Kuriko Vyosi, andaoya kpwenye urindzi wa iye Mwenye Nguvu Zosi,

Zaburi 119:114

Uwe ndiwe chimbiriro rangu na ngao yangu, nikaika tumaini rangu kahi ya nenoro.

Zaburi 50:15

alafu nivoya napho ukafikpwa ni shida, nindakukombola nawe undanitogola!”

Zaburi 40:2

Wanituluza kpwenye dibwa ra ubanangi, kula kpwenye matope na uherezi achiniimisa dzulu ya mwamba na achiimarisha nyago zangu.

Akolosai 3:3

Kpwa sababu maisha ga kare gasira, kama avi mwafwa, na sambi muna maisha maphya. Atu taaelewa kukala maisha genu maphya na Jesu ni chitu chimwenga kpwa Mlungu.

Zaburi 17:8

Nirinda dza vira urindavyo tembe ya dzitsoro nifwitsa mwako maphani

Zaburi 46:1

Mlungu ndiye chimbiriro rehu na nguvu, chila wakati a tayari kuhuterya wakati wa tabu.

Isaya 26:20

Phiyani atu angu, menyani mwenu madzumbani mdzifungire miryango. Dzifwitseni kpwa muda mchache hadi tsukizi za Mwenyezi Mlungu ndiphodigirika.

Zaburi 91:15

Achiniiha, nami nindamuihikira, achikala tabuni, nindakala phamwenga naye, nindamuokola, naye andaishimiwa.

Zaburi 57:1

Nionera mbazi, ee Mlungu, nionera mbazi mana usalama wangu naulorera kula kpwako. Mino ndachimbirira mwako maphani hadi phuto riolagaro ndiphohurira.

Isaya 32:2

Chila mmwenga wao andakala dza phatu pha kudzifwitsa pha kudzichinga na phuto kali, dza chidzuho cha madzi hiko jangbwani na dza pepho ya mwamba mkpwulu wakati wa dzuwa ngerengere kpwenye tsi isiyomera chitu.

Zaburi 61:2

Ninakuririra kula pembe za dunia, kuno nkavundzika moyo. Nilongoza uniphirike mwambani urio dzulu sana kpwa nikale salama.

Zaburi 18:33

Anahenda magulu gangu, gakale dza ga kulungu, na kuniwezesha niime kpwenye myango.

Zaburi 83:3

Akaapangira atuo njama mbii, anashauriana vira ndivyoahenda vii hinyo unaoarinda.

Zaburi 77:2

Wakati nriphokala nina tabu namuendza Mwenyezi Mlungu, usiku wosi námvoya kuno nkaunula mikono yangu ela moyo wangu tauyahurira.

Isaya 26:16

Mwenyezi Mlungu, atuo ariphokala anagaya kpwa sababu unaatiya adabu, akuvoya sana.

Zaburi 10:1

Ee Mwenyezi Mlungu, mbona ukaima kure? Kpwa utu wani unadzifwitsa wakati swino hu tabuni?

Mathayo 23:37

Jesu waenderera kugomba, achiamba, “Ee maye, mwi atu a Jerusalemu! Mkuolaga manabii na kuapiga mawe ariohumwa kpwenu. Mara nyinji náaza kukuikani phamwenga dza kolo ra kuku rifwinikavyo anae mwakpwe maphani, ela mwi mwakahala!

2 Nyakati 22:12

Joashi wafwitswa ndani ya Nyumba ya Mlungu kpwa muda wa miaka sita, wakati Athalia ariphokala anatawala yo tsi.

Zaburi 31:21

Naatogolwe Mwenyezi Mlungu mana akanionyesa mendzwaye isiyosika kpwa njira ya ajabu wakati kala ni kpwenye mudzi uchiozangirwa kushambuliwa.

Zaburi 40:3

Wanipha wira muphya mwangu kanwani, wira wa kumtogola Mlungu wehu. Anji andaona mahendoge na kuogopha, na kumkuluphira Mwenyezi Mlungu.

Zaburi 61:3

Mana uwe ndiwe chimbiriro rangu, u ngome yangu ya nguvu ya kunichinga na maadui.