4 Sisagala na atu a handzo wala sina uhusiano na anafiki.
Siyasagala phamwenga na anao kusherekeya, wala kuhenda kuhamirwa phamwenga nao, násagala machiyangu, mana mkpwonoo kala u phamwenga nami, mana kala ukaniodzaza tsukizizo.
Baha mutu asiyelunga mashauri ga atu ayi, asiyegbwira njira za enye dambi, wala kasagala kpwenye vikalo vya atu a matani.
Mutu alunganaye na atu enye ikima naye andakala na ikima, ela alunganaye na azuzu andaphaha hasara.
Niukirani, mwi muhendao mai, ili niweze kulunga malagizo ga Mlungu wangu.
Piya Mwenyezi Mlungu anaamba, “Kpwa hivyo tulukani kahi yao, tsona mdzitenge nao. Msigute chochosi ambacho ni najisi, ndipho nindakuphokerani vinono.”
Mino ni msena wa osi akuogophao, msena wa hinyo alungao malagizogo.
Msichengbwe ni atu anaogomba hivyo, kpwa sababu, “Usena uyi nkubananga tabiya nono.”
Mutu arimaye mundawe andakala na chakurya chinji, ela alungaye mambo ga upuzi kana achili.
Richani uzuzu mphahe kuishi, lungani mambo ga achili.”
Ichikala nkaishi kpwa kugomba handzo, na kukala maironi kuchenga atu.
Maazo mai nagakale kure nami sindahenda rorosi ririro iyi.
