Zaburi 26:3 - Digo Bible

³ Mana unanionyesa mendzwayo isiyosika nami naishi kulengana na uaminifuo.

Zaburi 26:3 Referans Kwoze

1 Johana 1:7

Ela huchisagala mwangani, dza vivyo iye arivyo mwangani, hundakala na umwenga swiswi enye na enye. Nao mlatso wa mwanawe Jesu uriomwagika ariphokotwa misumari msalabani undahuusira dambi zosi.

2 Afalume 20:3

“Uwe Mwenyezi Mlungu, nakuvoya utambukire vira nrivyokuhumikira kpwa uaminifu, na kpwa moyo wangu wosi, na kuhenda manono mberezo.” Hezekiya achirira sana kpwa utsungu.

2 Johana 1:4

Náhererwa sana kusikira kala ana enu anjina analunga njira ya kpweli viratu Baba Mlungu arivyohulagiza.

Aefeso 4:32

Ela oneranani mbazi na muhenderane mambo manono. Mswameheane dza viratu Mlungu arivyokuswameheni kpwa sababu ya Jesu ariyehuokola.

2 Akorintho 8:9

Mana mnamanya mbazi za Bwana wehu Jesu Masihi. Hata dzagbwe kala ni tajiri, ela waricha utajiri wosi na achikala mchiya kpwa ajili yenu, ili kpwa kutsapira uchiyawe, mwimwi mphahe kukala matajiri.

2 Akorintho 3:18

Kpwa hivyo swiswi hosi ambao nyuso zehu zafwenulwa, hukueneza nguma ya Bwana dza nuru ya chilolo ili ionewe ni anjina. Na Bwana ambaye ni Roho, anahugaluza huigane naye, huphahe kueneza ngumaye zaidi na zaidi.

Johana 14:6

Achiambwa, “Mimi ndimi njira, ndimi kpweli na ndimi uzima. Takuna mutu awezaye kufika kpwa Baba isiphokala atsupire kpwangu.

Luka 6:36

Phahi, kalani na mbazi dza Sowe yenu ariye mlunguni arivyo.”

Isaya 8:20

Ela mwimwi gbwirani lagizo na fundzo ra Mlungu. Aho agombao higo taadzangbweona mwanga,

Isaya 2:5

Mwi atu a nyumba ya Jakobo, ndzoni, nahunyendekeni kpwenye mwanga wa Mwenyezi Mlungu.

Zaburi 119:142

Hakiyo ni haki hata kare na kare, na shariyayo ni ya kpweli.

Zaburi 101:2

Nindahenda chadi niishi bila lawama. Vino undaniedzera rini? Nindasagala mwangu nyumbani na uaminifu.

Zaburi 86:11

Nifundza njirayo, ee Mwenyezi Mlungu, ili niweze kunyendeka kahi ya ukpwelio. Nipha moyo usiositasita, ili niweze kuishimu dzinaro.

Zaburi 52:1

Kpwa utu wani unadzikarya na mai, we sujaa? Uaminifu wa Mlungu ni wa kare na kare.

Zaburi 25:5

Nilongoza katika kpweliyo na unifundze mana uwe u Mlungu muokoli wangu, nakukuluphira uwe mutsi wosi.

3 Johana 1:11

Msena wangu Gayo, usimuige hiye mutu mui. Ela iga tabiya za atu anono. Mutu yeyesi ahendaye mambo manono ni mwana wa Mlungu. Ela yeyesi ahendaye mambo mai kamanya Mlungu.