Zaburi 23:5 - Digo Bible

⁵ Unaniandazira karamu kuno maadui gangu ganalola. Ukanimwagira mafuha phangu chitswani ili kuniishimu, na kuodzaza chikombe changu hadi chinafurika.

Zaburi 23:5 Referans Kwoze

Aefeso 3:20

Mlungu naatogolwe kpwa sababu ya uwezowe wa ajabu uhendao kazi mwehu mioyoni! Kpwa kpweli anaweza kuuhendera mambo makulu sana kuriko vira huvoyavyo na kufikiriya!

Zaburi 92:10

Ukanihenda nikale na mkpwotse dza nyahi ukanimwagira mafuha maphya.

Zaburi 45:7

Uwe unamendza gara garigo manono, na kuzira gosi garigo mai. Kpwa hivyo Mlungu, Mlunguo, akakumwagira mafuha, ga kukuhenda uhamirwe kpwa kukuhenda mkpwulu kuriko ayao osi.

Zaburi 16:5

Mwenyezi Mlungu, uwe ndiye seemu yangu, na ndiwe unijaliyaye, mtalo wangu u salama mwako mikononi.

Ayubu 36:16

Mlungu wakutuluza tabuni achikulongoza phatu wazi, phasipho shida, na kuodzaza mezayo na vyakurya vinono-vinono.

1 Johana 2:20

Ela Roho Mtakatifu wainjira mwenu mioyoni, na mosi mnamanya kpweli.

1 Johana 2:27

Ela Jesu watiya Roho Mtakatifu mwenu mioyoni. Kpwa vira Rohowe a mwenu mioyoni, phahi tamuna haja ya kufundzwa ni mutu. Mana iye Rohowe anakufundzani chila chitu, na higo ambago anakufundzani ni ga kpweli, wala si handzo. Phahi, lungani mafundzoge, na muenderere kukala phamwenga naye.

2 Akorintho 1:21

Mlungu mwenye ndiye ahuphaye swiswi na mwimwi uwezo wa kudina chilume kpwa kuungana na Jesu. Iye ndiye ariyehutsambula,

1 Akorintho 10:16

Hunaphonwa kula chikombe cha baraka cha meza ya Bwana hunachochihumira kpwa kumshukuru Mlungu, kpwa kpweli hunashiriki mlatso wa Jesu phamwenga. Na hunaphomega na kurya mkpwahe wa meza ya Bwana, hunashiriki mwiri wa Jesu phamwenga.

Johana 16:22

Phahi hata mwimwi hivi sambi munasononeka. Ela nindakuonani tsona na mundakala na raha, wala takuna mutu ndiyekuusirani iyo raha.

Zaburi 104:15

uchi wa zabibu wa kuachangamusha, mafuha ga kuahenda nyuso zao zinyinyihe, na chakurya cha kuatiya nguvu.

Isaya 25:6

Na kahi za mwango uhu Mwenyezi Mlungu, Mlungu wa majeshi andagahendera karamu mataifa gosi, karamu ya vyakurya vinono-vinono, nyama za kunona na uchi mufu wa zabibu.

Zaburi 116:13

Nindamrehera sadaka ya uchi wa zabibu kpwa kunitivya, na nivoye kpwa dzinare ye Mwenyezi Mlungu.

Zaburi 22:26

Agayi andarya kumvuna. Osi amuendzao Mwenyezi Mlungu andamtogola. Kalani moyo ta kare na kare.

Zaburi 78:19

Agomba chinyume cha Mlungu achiamba, “Kale Mlungu anaweza kuhuandazira chakurya ku weruni?

Luka 7:46

Tsona kukanipaka mafuha chitswani kama desturi, ela iye akanipaka marashi ga magulu.

Amosi 6:6

Mwimwi munaonwa uchi kuhumira ndzele, na kudzipaka mafuha manono, ela tamsononeka kpwa sababu ya magandzo ga Iziraeli.

Zaburi 22:29

Matajiri osi duniani andaabudu mbereze, osi ambao nkufwa andachita mavwindi mbereze, osi ambao taaweza kudziika moyo.

Mathayo 6:17

Ela uwe uchifunga, singa uso na udzipake mafuha chitswani,

Zaburi 92:11

Matso gangu gakadzionera maadui gachishindwa na masikiro gangu gakasikira chiriro cha aviha angu.