Zaburi 23:3 - Digo Bible

³ nkunipha nguvu nyiphya. Iye nkunilongoza njira za haki, kpwa ajili ya dzinare.

Zaburi 23:3 Referans Kwoze

Isaya 42:16

Nindaalongoza vipofu kpwenye njira ambazo taadzangbwezitsupira. Nindagaluza jiza rikale mwanga mbere zao, na kuhenda tsi iriyo magome-magome ikale sawa-sawa. Higa ndigo mambo ndigogahenda nami sindaaricha.

Zaburi 31:3

Uwe u mwamba wangu na ngome yangu, kpwa ishima ya dzinaro, nilongoza na unionyese njira.

Zaburi 19:7

Shariya ya Mwenyezi Mlungu taina ila, nkumupha mutu nguvu uphya, malagizo ga Mwenyezi Mlungu ganakuluphirika nkumupha ikima mutu asiyekalanayo.

Zaburi 51:10

Niumbira moyo swafi, ee Mlungu, na roho yangu uihende luphya na ya kuhurira.

Zaburi 5:8

Ee Mwenyezi Mlungu, nilongoza nihende hakiyo, kpwa sababu ya maadui gangu, na ugolose njirayo mbere zangu ili niilunge.

Zaburi 51:12

Niuyizira raha ya wokofuo, na uniphe roho ya kugbwira ulondago.

Ayubu 33:30

ili ativye rohoye kula mbirani, na aone mwanga wa uzima.

Misemo 8:20

Ninanyendeka kahi-kahi ya haki, ninalunga shariya ya haki.

Maono 3:19

Mimi nkudemurira na kutiya adabu atu niamendzao. Phahi kalani na chadi, na mriche dambi.

Zaburi 79:9

Huterye, ee Mlungu, muokoli wehu, kpwa sababu ya utukufu wa dzinaro, hukombole na uhuswamehe dambi zehu, kpwa ishima ya dzinaro.

Zaburi 85:13

Haki indamtanguliya Mlungu na kumtengezera njira.

Misemo 4:11

Nikakufundza njira ya ikima, na nikakuphirika na njira ya sawa.

Zaburi 119:176

Nkatanga-tanga dza ngʼondzi chiroangamika, niendza mimi mtumishio, mana siyala malagizogo.

Ezekieli 20:14

Ela sihendere hivyo ili dzina rangu risitiywe najisi mbere za atu a mataifa, ambao ashuhudiya wakati nriphokala naatuluza.

Jeremia 31:8

Lola, nindaareha kula tsi ya vurini, nindaakusanya kula seemu za kure za dunia, kahi yao vipofu na viswere, achetu achiopheza na ario na utsungu wa kudzivugula, borori ra atu rindauya.

Aefeso 1:6

Nahumtogoleni Mlungu kpwa mbazize nyinji za ajabu arizohupha kpwa sababu ya arigohenda mwanawe ammendzaye sana.

Zaburi 34:3

Ayangu, nahumupheni nguma Mwenyezi Mlungu nahutogole dzinare phamwenga.

Zaburi 31:4

Ntuluza kpwenye muhego nchiohegerwa mana uwe ndiwe chimbiriro rangu.

Zaburi 106:8

Ela ye achiativya kpwa sababu ya dzinare, ili uwezowe mkpwulu umanyikane.

Zaburi 109:21

Ela uwe, ee Mwenyezi Mlungu Bwana wangu, nishuulikiya vinono kpwa sababu ya dzinaro kpwa vira mendzwayo isiyosika ni nono, nitivya.

Jeremia 31:25

Mana ndamuoyeza iye ambaye moyowe ukaremwa na kuamvunisa achiogbwa na mtsare.