Zaburi 22:19 - Digo Bible

¹⁹ Ela uwe Mwenyezi Mlungu, usikale kure nami; uwe uriye msada wangu, henda wangbwi wedze uniterye!

Zaburi 22:19 Referans Kwoze

Zaburi 22:11

Usikale kure nami, mana tabu i phephi, nami sina wa kuniterya.

Zaburi 40:17

Mino ni mchiya na mgbwayi, ela Mwenyezi Mlungu ananiririkana. Uwe ndiwe uniteryaye na uniokolaye usikae, ee Mlungu wangu.

Zaburi 40:13

Hamirwa ni kuniokola ee Mwenyezi Mlungu! Henda wangbwi wedze uniterye ee Mwenyezi Mlungu!

Zaburi 21:1

Mfalume anahamirwa kpwa sababu ya nguvuzo, ee Mwenyezi Mlungu naye anashangiliya kpwa sababu ukamupha ushindi!

Zaburi 10:1

Ee Mwenyezi Mlungu, mbona ukaima kure? Kpwa utu wani unadzifwitsa wakati swino hu tabuni?

Zaburi 70:5

Ela mino ni mchiya na mgbwayi, ndzo upesi, ee Mlungu! Uwe u msada wangu na ndiwe unikombolaye, ee Mwenyezi Mlungu, usikae!

Zaburi 18:1

Ninakumendza sana Mwenyezi Mlungu mana ndiwe nguvu zangu.