Zaburi 20:6 - Digo Bible

⁶ Sambi ninamanya Mwenyezi Mlungu nkumterya mmwagirwa mafuhawe, andamjibu kula phatuphe phatakatifu kuko Mlunguni na kumupha ushindi mkpwulu kpwa uwezo wa mkpwonowe wa kulume.

Zaburi 20:6 Referans Kwoze

Zaburi 28:8

Mwenyezi Mlungu ndiye nguvu ya atue, ni chimbiriro ra usalama kpwa mpakpwa mafuhawe.

Mahendo 5:31

Chisha Mlungu wamuika uphande wa mkpwono wa kulume, phatu pha ishima kulu sana, wamuhenda Chilongozi na Muokoli, ili kuapha nafwasi Aiziraeli atubu dambi zao na aswamehewe.

Mahendo 4:10

phahi ni hivi: Mwimwi atumia na atu osi a Iziraeli ni lazima mmanye kukala hiyu chiswere aimireye hipha ni mzima tsetsetse waphozwa ni uwezo wa dzina ra Jesu Masihi wa Nazareti, ambaye mwamuolaga msalabani, ela Mlungu achimfufula.

Mathayo 6:9

Phahi mwimwi voyani hivi: Baba, uriye mlunguni, dzinaro nariogophewe.

Isaya 63:15

Hulole kula ko mlunguni, na uone kula kpwenye makalogo matakatifu ga nguma. U phaphi wivuo na uwezoo? Usiriche kuhuonera mbazi,

Zaburi 18:50

Mlungu nkumupha mfalumewe ushindi mkpwulu, na kumuonyesa mendzwa isiyosika hiye mmwagirwa mafuhawe, yani Daudi na chivyaziche hata kare na kare.

Zaburi 2:2

Afalume a dunia anadzitayarisha, na atawala anapanga njama phamwenga, chinyume cha Mwenyezi Mlungu na chinyume cha ye mmwagirwawe mafuha.

Mahendo 2:36

Chimarigizo Petero waamba, “Phahi Aiziraeli osi ni amanye kukala, Jesu yuyatu ambaye mwamkota misumari msalabani, Mlungu wamuhenda Mtawala na Muokoli.”

Isaya 58:9

Ndiphomuiha Mwenyezi Mlungu, andaihika, undamririra akuterye naye andaamba, ‘Himi hipha.’ Muchiusa utumwa kahi-kahi yenu, muchiricha kulaumu na kugomba mai kuahusu,

Isaya 57:15

Mana vivi ndivyo aambavyo iye ariye dzulu, iye aunulwaye sana, iye ariye moyo hata kare na kare, ambaye dzinare ni Mtakatifu, “Mimi nasagala phatu phatakatifu pharipho dzulu, chisha ninasagala phamwenga na nyo adzitserezao na kutubu, ili niatiye nguvu nyiphya.

Zaburi 41:11

Nionapho maadui gangu taganiturya ndamanya kukala nkakuhamira.

Zaburi 18:35

Nawe ukanipha ngaoyo ya ushindi, na mkpwonoo wa kulume ukanigbwiririra, msadao ukanihenda nkale mutu mkpwulu.

Zaburi 17:7

Onyesa mendzwayo isiyosika kpwa njira ya ajabu uwe uokolaye atu kula kpwa aviha aho uwe utivyaye na mkpwonoo wa kulume, atu anaokuchimbirira.

1 Afalume 8:43

musikire kula ko mlunguni, ukalako. Umujaliye hiye mjeni gosi ndigokuvoya, ili atu osi duniani akumanye na akuogophe dza atuo Aiziraeli ahendavyo na amanye kukala nyumba hino naidzenga ili uabudiwe mumo.

1 Afalume 8:30

Usikize mavoyo ga mtumishio na ga atuo Aiziraeli ndiphovoya kuno akaloza phatu hipha. Sikira phahi kula phako makaloni ko mlunguni, na usikirapho, huswamehe.

Mahendo 2:33

Phahi, Jesu wahalwa kuphiya mlunguni, asegere mkpwono wa kulume wa Mlungu, phatu pha ishima kulu sana, na waphokera Roho Mtakatifu kula kpwa Baba Mlungu ambaye kala akamlaga, naye wahupha swiswi ye Roho. Mambo higa mgasikirago na kugaona ganahakikisha maneno higa.

Zaburi 9:15

Mataifa ganjina gasigommanya Mlungu gakagbwa kpwenye dibwa chiroritsimba enye, mihego yao ikaagbwira enye.

Mika 4:5

Atu a mataifa andalunga milungu yao ela swiswi hundalunga Mwenyezi Mlungu, Mlungu wehu, ta kare na kare.