Zaburi 2:4 - Digo Bible

⁴ Hiye atawalaye hiko mlunguni anatseka; Mwenyezi Mlungu anaanyetera.

Zaburi 2:4 Referans Kwoze

Zaburi 37:13

Ela Mwenyezi Mlungu anamtseka hiye muhenda mai mana anamanya sikuye iredza.

Zaburi 59:8

Ela uwe Mwenyezi Mlungu unaatseka, unaapuuza hinyo atu anjina asiokumanya.

Isaya 40:22

Iye ndiye asagalaye dzulu ya mviringo wa dunia, na nyo asagalao mumo ni dza mabandzi, iye ndiye atandazaye ko dzulu mlunguni dza paziya, na kukukudula dza hema ra kusagala atu.

Misemo 1:26

Nami phahi, nindakutsekani siku ya mashaka genu, mimi nami nindakutsekani ndiphofikpwa ni nduni.

Zaburi 11:4

Mwenyezi Mlungu a ndani ya nyumba takatifu ya kuvoya Mlungu na chihiche cha utawala chi mlunguni. Iye analola anadamu osi na anachunguza gara ahendago.

Isaya 57:15

Mana vivi ndivyo aambavyo iye ariye dzulu, iye aunulwaye sana, iye ariye moyo hata kare na kare, ambaye dzinare ni Mtakatifu, “Mimi nasagala phatu phatakatifu pharipho dzulu, chisha ninasagala phamwenga na nyo adzitserezao na kutubu, ili niatiye nguvu nyiphya.

Zaburi 115:3

Mlungu wehu a mlunguni anahenda vira alondavyo.

Zaburi 53:5

Aho andainjirwa ni wuoga ambao taadzangbweuona! Mana Mlungu andatsamula mifupha ya asiomendza Mlungu, andatiywa waibu mana Mlungu andaarema.

Isaya 66:1

Mwenyezi Mlungu anaamba hivi, “Mlunguni ni chihi changu cha chifalume, na dunia ni chigogo changu cha kuikira magulu. Ni nyumba ya viphi yo ndiyonidzengera mwimwi? Na ni phatu phaphi ambapho naweza kuoya?

Zaburi 68:33

Muimbireni iye atsupaye mlunguni, Mlungu wa kare na kare, analavya sautiye, sautiye ya nguvu.

2 Afalume 19:21

Riri ndiro neno arirogomba Mwenyezi Mlungu kumuhusu iye, ‘Ye mwanamwali wa Sayuni, anakubera na kukunyetera. Ye msichana wa Jerusalemu, anasukasuka chitswache nyumazo wakati unachimbira.

Zaburi 59:9

Nindakugodzera, uwe uriye nguvu yangu, mana uwe, ee Mlungu, ndiwe ngome yangu.

Zaburi 123:1

Naunula matso gangu kpwako, uwe usegereye kpwenye chihicho cha endzi ko mlunguni!