Zaburi 18:13 - Digo Bible

¹³ Chisha Mwenyezi Mlungu wapiga msindo ko mlunguni, iye Ariye Dzulu Kuriko Vyosi wakota kululu, na kuchinya mvula ya mawe na makala ga moho.

Zaburi 18:13 Referans Kwoze

Zaburi 104:7

Ela uriphogademurira, madzi higo gazola, gariphosikira kungurumako, gajera upesi.

1 Samueli 7:10

Hipho Samueli ariphokala anailavya iyo sadaka ya kuochwa, Afilisti asengera ili kupigana na Aiziraeli; ela siku iyo Mwenyezi Mlungu waapigira chiguruguru Afilisti, msindo mkpwulu sana, achiogofyerwa nao achiangamizwa ni Aiziraeli.

Zaburi 140:10

Makala ga moho nagaamwagikire, naatsuphwe mohoni, kpwenye madibwa na asiunuke tsona!

Maono 19:6

Chisha nchisikira sauti kulu dza sauti ya kundi kulu ra atu rinagomba. Sauti iyo yavuma dza madzi manji gajerago kpwa nguvu maweni, na dza sauti kulu ya chiguruguru. Iyo sauti yaamba, “Haleluya! Mana iye Mwenyezi Mlungu wehu Mwenye Nguvu Zosi anatawala.

Maono 8:5

Badaye yuya malaika wahala makala ga moho kula phara phatu pha kulavira sadaka, achigatiya himo ligani na achigatsupha duniani. Alafu kuchikala na mngurumo wa chiguruguru na limeme, na dunia ichisumba.

Maono 4:5

Hicho chihi cha chifalume kala chinalavya limeme na mngurumo wa chiguruguru. Mbereze kala phana taa sabaa ziakazo ambazo kala ni zira roho sabaa za Mlungu.

Johana 12:29

Umati wosi uriokala uimire hipho wasikira sauti hiyo. Anjina achiamba ni chiguruguru, na anjina nao achiamba ni malaika wa Mlungu akagomba na Jesu.

Habakuki 3:5

Makongo gamtanguliya mbereze na nyumaze achiricha mashaka.

Ezekieli 10:5

Na sauti ya mapha ga makerubi yaweza kusikirwa hadi muhala wa kondze, nayo kala i dza sauti ya Mlungu Mwenye Nguvu Zosi anaphogomba.

Zaburi 78:48

Ngʼombe zao waziolaga na mvula ya mawe, na achihenda mifugo yao ipigbwe ni limeme ra chiguruguru.

Ayubu 40:9

We una mkpwono dza wa Mlungu, na kutuluza sauti ya kunguruma dza yakpwe?

Kumbukumbu 32:24

Mundaondezwa ni ndzala, mundaphya na dzoho kali na makongo ga kuolaga. Nindareha nyama a tsakani enye meno makali akushambuliyeni na nyoka zenye sumu ziambalazo vumbini zikungʼateni.

Kutsama 20:18

Atu ariphosikira chiguruguru na gunda na kuona limeme na mwango unatuluza mosi, akakama kpwa wuoga, achiima kure

Kutsama 9:24

na limeme richikala vivyo kpwa vivyo. Kala ndiyo mvula ya mawe kulu zaidi ambayo taidzangbwenya wakati wowosi hangu Misiri ikale taifa.

Joshuwa 10:11

Wakati ariphokala anachimbira Aiziraeli kutsupira njira ya kutserera kula Bethi-Horoni kuelekeya Azeka, Mwenyezi Mlungu waarehera mvula ya mawe makulu kula mlunguni gachiaolaga. Phahi hinyo arioolagbwa ni mvula ya mawe kala ni anji kuriko arioolagbwa ni Aiziraeli kpwa upanga.

Zaburi 11:6

Iye andamwagira atu ayi makala ga moho na chibiriti avi ni mvula, andaatiya adabu na phuto ra dzoho kali.