Zaburi 16:3 - Digo Bible

³ Atakatifu ario kpwenye tsi ndio akulu nami nahamirwa kukala phamwenga nao.

Zaburi 16:3 Referans Kwoze

Aeburania 6:10

Mana Mlungu ni wa haki na kandaricha kutambukira kazi yenu nono na vira mmendzwavyo kpwa kuterya afuasi ayawenu hangu mwandzo hadi sambi.

Misemo 13:20

Mutu alunganaye na atu enye ikima naye andakala na ikima, ela alunganaye na azuzu andaphaha hasara.

Misemo 12:26

Mwenye haki nkuapha ayae mashauri manono, ela njira za mutu mui nkuhenda ayae akakosera.

2 Nyakati 6:41

Sambi unuka, uwe Mwenyezi Mlungu, Mlungu uphiye ukamenye pho phatupho pha kuoya, uwe phamwenga na ro sanduku ra nguvuzo. Alavyadzio-sadaka naavwikpwe wokofuo, uwe Mwenyezi Mlungu, na atakatifuo ahererwe kpwa sababu ya unonoo.

Mahendo 9:13

Phahi Anania waamba, “Bwana, mutu hiye námsikira manenoge kula kpwa atu anji, kuhusu mateso manji ahenderago atakatifuo hiko Jerusalemu.

Malaki 3:17

Mwenyezi Mlungu, Mlungu wa majeshi anaamba, “Andakala angu. Andakala hazina yangu ya samani siku iyo ya uamuli. Nami nindaaonera mbazi dza vira mutu amuoneravyo mbazi mwana amuhumikiraye.

Isaya 62:4

Kundaihwa tsona “Ariyerichwa,” wala tsiiyo kuihwa “Gandzo.” Ela undaihwa “Hefuziba,” na tsiiyo indaihwa “Beula,” mana Mwenyezi Mlungu andafwahirwa ni uwe, na tsiiyo indalólwa.

Misemo 8:31

Náfurahia dunia na anadamu akalao mumo, piya náfwahirwa kukala phamwenga nao.

Zaburi 119:63

Mino ni msena wa osi akuogophao, msena wa hinyo alungao malagizogo.

Zaburi 116:15

Chifo cha mutu muaminifu china samani kpwa Mwenyezi Mlungu.

Zaburi 101:6

Nindaatundza vinono atu ario aaminifu tsi yosi, nao andasagala phamwenga nami. Mutu asiye na lawama ndiye ndiyenihumikira.

Zaburi 30:4

Muimbireni Mwenyezi Mlungu mawira ga kumtogola mwi atakatifue, togolani dzinare takatifu.

Tito 3:8

Maneno higo ni ga kpweli. Nalonda usisitize ukpweli huno ili hara anaomkuluphira Mlungu akale na hamu ya kuhumira wakati wao kuhenda manono, yani mambo dza higa ni manono na ganafwaha kpwa atu.

Aefeso 1:1

Baruwa hino ila kpwangu mimi Paulo, mtume yetsambulwa ni Mlungu kpwa kumendzakpwe ili nihende kazi ya Masihi Jesu. Nakuandikirani mwimwi atakatifu a Mlungu mkalao mudzi wa Efeso na ambao mu afuasi aaminifu a Masihi.

Agalatia 6:10

Kpwa hivyo chila huphahapho nafwasi, nauhendeni manono kpwa atu osi, hasa kpwa afuasi ayawehu.

Wira wa Selemani 7:10

Mimi ni wa wende wangu, naye hamuye kulu ni mimi.

Zaburi 122:8

Kpwa ajili ya enehu na asena angu, nindaamba, “Kalani na amani.”