Zaburi 16:10 - Digo Bible

¹⁰ Kundaniricha kahi ya ariofwa, wala kuricha mtumishio muaminifu aole mbirani.

Zaburi 16:10 Referans Kwoze

Zaburi 49:15

Ela Mlungu andanikombola, andanitivya na nguvu za kuzimu, mana andaniphokera.

Maono 1:18

Phundza, mimi ndimi uzima! Kala nkafwa ela vino ni mzima hata kare na kare! Na ndimi nriye na funguwo za Chifo na kuzimu.

Maono 20:13

Bahari yalavya afwadzi ariola himo. Chifo na kuzimu nazo zichilavya atue. Chila mmwenga achiamulwa kulengana na mahendoge.

Luka 16:23

Yuya tajiri phokala mohoni hiko kuzimu, wagaya sana. Ariphotsupha matso, wamuona Burahimu kpwa kure na Lazaro pho kanda-kanda.

Luka 1:35

Achiambwa, “Undakpwedzerwa ni Roho Mtakatifu na nguvu za Mwenyezi Mlungu zindakufwinika. Kpwa hivyo ndiyevyalwa andaihwa Mtakatifu, Mwana wa Mlungu.

Isaya 14:9

Kuzimu kukadzipanga kare kukuphokera ndiphofika uwe mfalume wa Babeli. Kunalamusa koma za akareo zikale tayari kukuphokera, osi ariokala akulu a dunia. Kunahenda osi ariokala afalume a mataifa aunuke kula kpwenye vihi vyao vya utawala.

Kumbukumbu 32:22

Mana tsukizi zangu zikavuvurira moho, moho unaaka hadi tsini ya arizi, Undaocha dunia na vinavyovyalwa ndaniye, Undaitiya moho misingi ya myango.

1 Akorintho 15:42

Phahi indakala vivyo hivyo na atu a kufwa wakati wa kufufuka. Miri yehu ya hipha duniani inabanangika, ela wakati ichifufuka, taibanangika tsona.

Isabu 6:6

Siku zosi ambazo andakala akadzitenga kpwa ajili ya Mwenyezi Mlungu ni asisengerere lufu.

Alawi 19:28

wala msitsodzwe kpwa ajili ya kufwererwa wala kuika alama yoyosi mwenu mirini. Mimi, ndimi Mwenyezi Mlungu.

Luka 4:34

anaamba, “Unamini wee, Jesu wa Nazareti? Ukedzahumarigiza? Nakumanya! Uwe u Mutu wa Haki yela kpwa Mlungu.”

Amosi 9:2

Hata akatsimba dibwa hadi kuzimu, kuko mkpwono wangu undaatuluza. Nao achikpwera kuphiya mlunguni, chisha ndaatsereza kula kuko.

Danieli 9:24

“Muda wa miaka mirongo sabaa kano sabaa ukaikpwa kpwa ajili ya atuo na kpwa ajili ya mudzio mtakatifu, ili kukomesa uasi, dambi, kutakasa uyi na kureha haki hata kare na kare, kutiya muhuri unabii wa ruwiya na kupakpwa mafuha pho Phatu Phatakatifu Zaidi.

Isaya 5:14

Kpwa hivyo kuzimu kukaenjereza hamuye na kufwenula kanwaye zaidi. Enye vyeo a Jerusalemu na umatiwe wosi undatserera mumo. Phamwenga na amendzao kulumba na amendzao kuhenda sharee.

Misemo 27:20

Kuzimu na dibwa rinarobananga taritosheka, dza viratu matso ga anadamu gasivyo shiba.

Misemo 15:11

Mwenyezi Mlungu anamanya garigo kuzimu na garigo ndani ya dibwa ra kubananga [Abadoni], phahi moyo wa mwanadamu anaumanya zaidi.

Zaburi 139:8

Nchiambuka kuphiya mlunguni, uwe u kuko; nchihenda kuzimu kukala chitanda changu, uwe u kuko.

Zaburi 9:17

Atu ayi yani osi amremao Mlungu, mwisho wao ni kuzimu.

Ayubu 11:8

Ukuluwe unatsupa mlunguni, we unaweza kuhendani? Na chinache chinatsupa kuzimu, unamanyani we?