Zaburi 150:4 - Digo Bible

⁴ Mtogoleni kpwa tamburini na kufwiha, mtogoleni kpwa firimbi na chivoti.

Zaburi 150:4 Referans Kwoze

Zaburi 149:3

Naalike dzinare kuno anafwiha, naamupigire tamburini na zeze.

Isaya 38:20

Mwenyezi Mlungu andanitivya, naswi hundaimba na kupiga ngephephe maisha gehu gosi kpwenye nyumba ya kuvoya Mlungu.”

Kutsama 15:20

Phahi Miriamu, nabii wa chichetu, ndugungbwa wa Aruni wagbwira tamburini mwakpwe mkpwononi, na achetu anjina osi achihala tamburini zao achimlunga kuno anazipiga na kuvwina.

Zaburi 144:9

Ndakuimbira wira muphya ee Mwenyezi Mlungu, ndawiimba kuno napiga ngephephe.

Zaburi 92:3

kpwa kuhumira chivoti na ngephephe, na kpwa sauti ya zeze.

Ayubu 30:31

Ngephephe yangu ikakala ya kusononekera, na chivoti changu chikakala sauti ya hara arirao.

Zaburi 45:8

Mavwazigo gananuka marashi ga manemane, udi na mdalasini. Kpwenye madzumba gopambwa na pembe za ndzovu mawira ganaimbwa kuhumira ngephephe na ganakuhenda ukale na raha.

Zaburi 33:2

Mtogoleni Mwenyezi Mlungu kpwa ngephephe, muimbireni kpwa kuhumira chinubi cha nyugbwe kumi.

Ayubu 21:12

Nkuimba na tamburini na zeze, na kuhamirwa ni sauti ya chivoti.

Habakuki 3:19

Mwenyezi Mlungu ndiye nguvu yangu, iye nkuhenda magulu gangu gakale dza ga kulungu, tsona nkunihenda ninyendeke myangoni.