Zaburi 149:4 - Digo Bible

⁴ Mana Mwenyezi Mlungu nkuhamirwa ni atue, naye nkuapha anyenyekevu ushindi.

Zaburi 149:4 Referans Kwoze

Zaburi 147:11

Ela Mwenyezi Mlungu ahamirwa ni hinyo amuogophao, hinyo adamirao mendzwaye isiyosika.

1 Petero 3:4

ela unono wenu ni uandzire ndani, urembo usioweza kubanangika wala kutsakala ambao ni kukala na moyo mnono na mpole. Huno ndio urembo urio na samani matsoni pha Mlungu.

Zaburi 35:27

Ela hinyo ario na hamu ya kuona ikaamulwa sina makosa naahamirwe na apige njerejere siku zosi na aambe: “Mwenyezi Mlungu ni mkpwulu sana! Iye ahamirwaye ni kuongokerwa kpwa mtumishiwe.”

Zaburi 132:16

Alavyadzie-sadaka ndaavwika wokofu, na aaminifu ario himo andakala achiimba kpwa raha.

Zaburi 22:8

Aho nkuamba, “Wamkuluphira Mwenyezi Mlungu, phahi naamutivye naamuokole mana anamuhamira!”

Zefania 3:17

Mwenyezi Mlungu, Mlunguo a kahiyo, iye ndiye sujaa ndiyekuhenda uturye maaduigo. Andafwahirwa sana ni uwe, kpwa mendzwaye andakujaliya maisha maphya. Naye andahererwa kpwa ajiliyo na kupiga kululu za furaha,

Jeremia 32:41

Nindahamirwa ni kuahendera manono na kuaika kahi ya tsi ihi na moyo wangu wosi na roho yangu yosi.’

Zaburi 117:2

Mana mendzwaye isiyosika ni kulu kpwehu, na uaminifu wa Mwenyezi Mlungu unadumu hata kare na kare. Mtogoleni Mwenyezi Mlungu! Haleluya.

Isaya 61:10

Nindahamirwa sana kahi za Mwenyezi Mlungu, roho yangu indashangiliya kahi ya Mlungu wangu, mana akanibwiningiza vwazi ra wokofu, akanivwika vwazi ra haki, dza viratu bwana harusi adzipambavyo na chiremba chinono dza cha mlavyadzi-sadaka, dza bibi harusi adzipambavyo na vitu vya samani.

Misemo 11:20

Mwenyezi Mlungu nkutsukizwa ni atu enye nia mbii, ela nkufwahirwa ni atu ambao njira zao tazina lawama.

Zaburi 90:17

Unono wa Mwenyezi Mlungu, Mlungu wehu naukale dzulu yehu, na kazi za mikono yehu ziongokerwe. Ustawishe kazi za mikono yehu!

1 Petero 5:5

Namwi munaolongozwa, aogopheni vilongozi enu. Na mosi avyere na adide kalani atu a pole na a kuhumikira ayawenu, mana Maandiko ganaamba: “Mlungu anapinga anaodzikarya, na kuaonera mbazi a pole.”

Aeburania 12:10

Mana hata baba zehu hipha duniani nkuhutiya adabu kpwa muda mchache kulengana na vira aonavyo vinafwaha. Ela Mlungu nkuhutiya adabu kpwa fwaida yehu enye, ili naswi hushiriki utakatifuwe.

Maono 7:14

Nami nchimuamba, “Bwana uwe ndiwe umanyaye.” Naye achiniamba, “Hano ni atu ambao ashinda gara mateso makulu. Afula kandzu zao na mlatso wa yuya Mwana ngʼondzi, na zichikala nyereru tsetsetse.

Wira wa Selemani 1:11

Hundakutengezera mikufu ya zahabu, ichiyodonwa na feza.