Zaburi 146:7 - Digo Bible

⁷ Aaphaye haki zao hinyo aonerwao na kuapha chakurya ario na ndzala. Mwenyezi Mlungu nkuricha huru afungbwa.

Zaburi 146:7 Referans Kwoze

Zaburi 103:6

Mwenyezi Mlungu ndiye ahendaye mahendo ga haki na nkuahendera haki osi aonerwao.

Zaburi 68:6

Mlungu nkuapha agayi makalo ga kudumu, nkurichira mabusu akaahenda akale na mafwanikiyo ela hinyo asiomendza kulunga shariya andasagala tsi isiyo na chitu.

Isaya 61:1

Roho wa Mwenyezi Mlungu a phamwenga nami, mana Mwenyezi Mlungu akanipaka mafuha nihubiri habari nono kpwa achiya. Akanihuma niphoze marenda atu ariovundzika mioyo, nitangazire atumwa uhuru wao, na kuvugulwa kpwa afungbwa.

Luka 4:18

“Roho Mtakatifu a phamwenga nami, mana wanitsambula niarehere achiya habari nono. Akanihuma niatangazire afungbwa kuvugulwa kpwao na niatangazire vipofu kala andaona, kuaika huru aonerwao,

Zaburi 10:18

uahendere haki anachiya na anaoonerwa, ili mwanadamu ariyeumbwa kpwa ulongo asiweze kuaogofyera tsona.

Zaburi 142:7

Nituluza chifungoni ili nami niweze kukutogola. Atu a haki andanizangira mana ukanihendera mambo manono.

Mahendo 16:26

Gafula dunia ichisumba sana hata misingi ya jela ichisumba. Phapho hipho miryango ya jela ichivuguka na silisili zokala zikafungbwa mabusu osi maguluni zichigbwa.

Mahendo 5:19

Ela usiku malaika wa Mlungu wakpwedzaavugurira mryango na achiatuluza kondze, chisha achiaambira,

Luka 9:17

Atu osi arya kumvuna. Chisha anafundzie achitsola-tsola masaza na achiodzaza kaphu kumi na mbiri.

Luka 1:53

Waamvunisa andzala na mambo manono-manono, ela achiausa matajiri mikono mihuphu.

Malaki 3:5

Mwenyezi Mlungu, Mlungu wa majeshi anaamba, “Nami nindasengera phephi namwi nilavye uamuli. Nindalavya ushaidi upesi chinyume cha atsai, azinifu, anaoapa na handzo, anaoakopya vibaruwa katika maripho gao, anaoonera magungu na anachiya na anaonera atsupi a njira, jibu osi ambao taaniogopha.”

Jeremia 31:14

Nyo alavyadzi-sadaka ndaapha vitu vinji vya kuatosha, nao atu angu andatosheka na unono wangu, mimi Mwenyezi Mlungu nkaamba.

Isaya 9:4

Undavundza gogolo rinaroaremerera, gongo ririro phao mafuzini, fwimbo ya hiye anayeaonera. Dza vira irivyokala wakati wa kushindwa kpwa Midiani.

Zaburi 136:25

Iye anayerisa viumbe vyosi, mana mendzwaye isiyosika inadumu hata kare na kare.

Zaburi 72:4

Mfalume na akanire agayi kpwenye tsi, aterye ana a achiya na kuangamiza atu anaoonera ayawao.

Zaburi 12:5

Ela Mwenyezi Mlungu anaamba, “Kpwa sababu achiya anaonerwa, na agayi anasononeka, ndaunuka, niaphahe usalama anaougodzera kpwa hamu.”

Zaburi 9:16

Mwenyezi Mlungu akadzimanyisa kpwa kulavya uamuli wa haki. Atu ayi akagbwirwa kpwa sababu ya mahendo gao enye.

Zaburi 35:10

Nindamtogola Mwenyezi Mlungu na moyo wangu wosi nimuambe, “Takuna ariye dza uwe, ee Mwenyezi Mlungu! Uwe unativya anyonje kula mikononi mwa enye nguvu, agayi na achiya kula mikononi mwa anao aonera.”

Zaburi 68:7

Ee Mlungu, uriphoalongoza atuo wakati wa charo ariphonyendeka hiko weruni,