12 Namanya kukala Mwenyezi Mlungu anakanira achiya, na kuahendera haki agayi.
Mana uwe uamulio ni wa haki, usegere kpwenye chihicho cha chifalume na unalavya uamuli wa haki.
phahi sikira mavoyo gao na viriro vyao kula hiko mlunguni ukalako, uahende ashinde.
phahi sikira mavoyo gao kula hiko mlunguni na uaphe ushindi.
Vipofu anaona, viswere ananyendeka, akongo a mahana anaphozwa, masito anasikira, atu a kufwa anafufulwa, na achiya anasemurirwa habari nono kula kpwa Mlungu.
Waamula achiya na ariotsowa kpwa haki na mamboge gachimphihira vinono. Gano si gahendeka kpwa kunimanya mimi Mwenyezi Mlungu?
Andajibu mavoyo ga achiya wala kandarema mavoyo gao.
Nindamtogola Mwenyezi Mlungu na moyo wangu wosi nimuambe, “Takuna ariye dza uwe, ee Mwenyezi Mlungu! Uwe unativya anyonje kula mikononi mwa enye nguvu, agayi na achiya kula mikononi mwa anao aonera.”
Achiya na agayi andalamulwa na haki. Dunia indatiywa adabu kpwa nenore na atu ayi andaaolaga.
Usionere mchiya kpwa kukala ni mchiya wala hiko kotini usimlafye mchiya hakiye.
Mfalume na akanire agayi kpwenye tsi, aterye ana a achiya na kuangamiza atu anaoonera ayawao.
Iye kayakpwinya agayi, wala kayabera kugaya kpwao; kayaaricha, ela ariphovoywa msada wasikira.
Ee Mwenyezi Mlungu naakate miromo ya handzo na chila lilimi rinarodzikarya.
Mana nyo nkuamba, “Swino huchigomba hunaphaha hulondaro, hundagomba hulondaro na taphana ndiye huturya.”