Zaburi 139:18 - Digo Bible

¹⁸ Ningegaolanga gangekala manji kuriko mtsanga. Nilamukapho bado ni phamwenga nawe.

Zaburi 139:18 Referans Kwoze

Zaburi 3:5

Kpwa sababu Mwenyezi Mlungu ananirinda, nkudziambalaza nkulala na nkalamuka salama.

Zaburi 139:3

Uwe unamanya kutuluka kpwangu na kulala kpwangu unaelewa njira zangu zosi.

Zaburi 40:5

Uwe Mwenyezi Mlungu, Mlungu wangu mahendogo ga ajabu ni manji, na mambo uhupangirago tagaolangika! Nchiamba nagatangaza na kugasemurira sindaweza kugamala.

Zaburi 17:15

Ela kpwa vira ni mwenye haki, nindaona usoo. Ndipholamuka ndahererwa kukuona.

1 Athesalonike 5:10

Naye wafwa kpwa fwaida yehu. Kpwa hivyo wakati achiuya, ikale huchere moyo ama hukafwa, andahuhala hukaishi phamwenga naye hata kare na kare.

Danieli 12:2

Atu anji ariofwa, andafufuka, anjina ainjire uzima wa kare na kare, na anjina aphahe waibu na kuberwa hata kare na kare.

Isaya 26:19

Atu ariofwa andafufuka tsona. Lamukani muimbe na raha mwimwi mkalao vumbini dza manena gahendavyo tsi kavu ikamera nyasi, ndivyo Mwenyezi Mlungu ndivyofufula atu ariofwa.

Zaburi 40:12

Mana nkazungulukpwa ni mashaka gasigoolangika, dambi zangu zikanizidi ni nyinji kuriko isabu ya nyere zangu, nami nkavundzika moyo.

Zaburi 40:6

Uwe ukanisodola masikiro na kunihenda nielewe, kukala kuna haja na sadaka za kuochwa wala zawadi zanjina. Kuyalonda sadaka za kuochwa na za kuusira atu dambi.