Zaburi 135:3 - Digo Bible

³ Mtogoleni Mwenyezi Mlungu, mana iye ni mnono, muimbireni mana ana mbazi!

Zaburi 135:3 Referans Kwoze

Zaburi 147:1

Haleluya. Mwenyezi Mlungu naatogolwe! Ni vinono kumuimbira sifwa Mlungu wehu, vinafwaha na vinahama kumtogola.

Zaburi 119:68

Uwe u mnono na uhendago ni manono, nifundza malagizogo.

Zaburi 106:1

Haleluya. Mtogoleni Mwenyezi Mlungu. Mshukuruni Mwenyezi Mlungu, mana iye ni mnono, kpwa kukala mendzwaye isiyosika ni ya kare na kare.

Zaburi 33:1

Mwimwi enye haki, muimbireni na raha, Mwenyezi Mlungu, mwimwi muhendao irivyo sawa inafwaha mumtogole.

Zaburi 118:1

Mshukuruni Mwenyezi Mlungu, mana ni mnono, mendzwaye isiyosika inadumu hata kare na kare.

Mathayo 19:17

Jesu achimuamba, “Mbona unaniuza mino kuhusu chitu chinono? Kuna Mmwenga bahi ariye mnono. Ela uchilonda kuinjira uzimani, gbwira malagizo ga Shariya.”

Zaburi 100:5

Mana Mwenyezi Mlungu ni mnono. Mendzwaye isiyosika indaenderera hata kare na kare, na ni muaminifu chivyazi hadi chivyazi.

Zaburi 63:5

Roho yangu nkurya na ikamvuniswa, nami nkuimba mawira ga raha kukutogola.

Zaburi 136:1

Mshukuruni Mwenyezi Mlungu, kpwa kukala iye ni mnono, mana mendzwaye isiyosika inadumu hata kare na kare.

Zaburi 107:1

Mshukuruni Mwenyezi Mlungu, mana iye ni mnono, mana mendzwaye isiyosika inaenderera hata kare na kare!