Zaburi 132:13 - Digo Bible

¹³ Mana Mwenyezi Mlungu akatsambula Sayuni phakale makaloge:

Zaburi 132:13 Referans Kwoze

Aeburania 12:22

Ela mwimwi mkafika Mwango wa Sayuni ambako ni Jerusalemu ya mlunguni. Hinyu ni mudzi wa Mlungu ariye moyo, nako kuna maelufu na maelufu ga malaika anasherekeya.

Zaburi 87:2

Mwenyezi Mlungu anamendza maryango ga Sayuni, kuriko makalo gosi ga Jakobo.

Zaburi 68:16

Ee mwango wa virere vinji, kpwa utu wani unauonera chidzitso mwango ambao Mlungu wamendza ukale makaloge, ambapho Mwenyezi Mlungu andasagala hata kare na kare.

Isaya 14:32

Dze, ajumbe a Afilisti ajibiwedze? Naambwe kukala, “Mwenyezi Mlungu akaimarisha Sayuni na atue ariogaya akaphaha phatu pha kudzifwitsa.”

1 Afalume 11:13

Ela phahi hata ye mwanao sindamfuta ufalume wosi, ela ndamrichira mbari mwenga, kpwa ajili ya mtumishi wangu Daudi na kpwa ajili ya Jerusalemu, mudzi ambao nautsambula.”

2 Nyakati 7:16

Kpwa kukala, nkaitsambula nyumba hino na kuitenga ili ikale phatu ambapho ndaabudiwa hata kare na kare. Phahi sindaricha kuitundza na kuirinda chila mara.

Ezira 1:3

Kpwa hivyo mwimwi mosi ambao mu atue munaweza kuuya Iziraeli na Mwenyezi Mlungu naakale phamwenga namwi. Phahi ambukani kuphiya Jerusalemu, mudzi urio Juda mkadzenge luphya nyumba ya Mwenyezi Mlungu, Mlungu wa Iziraeli, Mlungu aabudiwaye Jerusalemu.

Zaburi 9:12

Mana iye ariphizaye aolagadzi anajali na kapuza chiriro cha aonerwao.