Zaburi 130:5 - Digo Bible

⁵ Namgodzera Mwenyezi Mlungu, moyo wangu unagodzera, matumaini gangu ni kpwenye nenore.

Zaburi 130:5 Referans Kwoze

Zaburi 33:20

Mioyo yehu inamkuluphira Mwenyezi Mlungu, iye ndiye msada wehu na ngao yehu.

Isaya 30:18

Mwenyezi Mlungu anagodza kpwa hamu akukubalini na kukuonerani mbazi. Mwenyezi Mlungu ni Mlungu ahendaye haki, iye nkujaliya anaomkuluphira.

Zaburi 119:81

Roho yangu ikaremwa kpwa kugodzera wokofuo, ela nikaika tumaini rangu kahi ya nenoro.

Zaburi 62:5

Nkahurira namgodzera Mlungu bahi mana ndiye kuluphiro rangu.

Zaburi 62:1

Nkahurira, namgodza Mlungu bahi, wokofu wangu ula kpwakpwe.

Zaburi 40:1

Nágodza Mwenyezi Mlungu aniterye kpwa kuvumirira naye achiniphundza na achisikira chiriro changu.

Zaburi 27:14

Mkuluphire Mwenyezi Mlungu. Dina chilume, wala usivundzike moyo. Mkuluphire Mwenyezi Mlungu!

Isaya 8:17

Ndamgodza Mwenyezi Mlungu na kumkuluphira iye bahi, iye ambaye akalozera kogo chivyazi cha Jakobo.

Zaburi 119:74

Hinyo akuogophao andaniona na ahererwe, kpwa kukala nikaika tumaini rangu kpwenye nenoro.

Zaburi 119:114

Uwe ndiwe chimbiriro rangu na ngao yangu, nikaika tumaini rangu kahi ya nenoro.

Mwandzo 49:18

“Ee, Mwenyezi Mlungu, nagodza wokofuo.

Zaburi 119:49

Tambukira neno urironilaga, mimi mtumishio, neno ambaro rinanipha matumaini.

Isaya 26:8

Uwe Mwenyezi Mlungu hunakugodza kahi ya njirazo na uamulio; hamu ya mioyo yehu ni kuritambukira dzinaro na kuritogola.

Zaburi 119:42

Hipho ndipho ndiphokala na jibu ra hinyo anaonifyorera, mana mino nakuluphira nenoro.

Aeburania 6:18

Mlungu achiahidi na kuapa, kagaluza. Mana kagomba handzo. Iye wahenda higa mambo mairi ili, swiswi ambao hunamlunga, hutiywe moyo kpwa kugbwiririra kukuluphira gara Mlungu arigohulagiza.

Luka 2:38

Wakati uratu ura, Ana wadzituluza mbere zao, achimshukuru Mlungu na achigomba na atu osi okala anagodza wakati Mlungu ndiphoikombola Jerusalemu. Phahi wagomba nao kuhusu yuya mwana.

Luka 2:25

Wakati hinyo hiko Jerusalemu, kala kuna mutu mmwenga aihwaye Simioni, mutu wa haki ariyekala anamuogopha Mlungu. Naye kala anagodza wokofu wa Aiziraeli, na Roho Mtakatifu kala a phamwenga naye.