Zaburi 13:4 - Digo Bible

⁴ Sedze maadui gangu gakaamba, “Hukamturya,” na aviha angu akahererwa kpwa sababu nkashindwa.

Zaburi 13:4 Referans Kwoze

Zaburi 25:2

Nakukuluphira uwe, ee Mlungu wangu usiniriche nkagbwirwa ni waibu, usiriche maadui gangu gakahererwa kpwa sababu nkashindwa.

Jeremia 1:19

Andapigana nawe ela taandakuturya tse, mana ni phamwenga nawe ili nikuokole. Mimi Mwenyezi Mlungu nkaamba.”

Misemo 12:3

Mutu ahendaye mai kandadumu, ela enye haki taandangʼolwa.

Zaburi 62:6

Iye macheye ndiye mwamba na wokofu wangu, ndiye ngome yangu, sindakakamiswa ni utu.

Zaburi 38:16

Navoya tu usiriche maadui gangu gakanifyorera usiriche gakahamirwa kpwa kuona nkashindwa.

Joshuwa 7:9

Mana Akanani na atu osi asagalao tsi hino andasikira nao andahuvamia na dzina rehu rindaangamika kabisa duniani. Dze! Dzinaro kulu rindaphahadze nguma?”

Sonono za Jeremia 1:16

Ndiyo mana ninarira, namwagikpwa ni matsozi mana wa kuniphoza marenda a kure nami, takuna wa kunitiya moyo. Anangu akarichwa a weche, mana adui akaniturya.”

Zaburi 112:6

Mana mutu wa haki kandakakamiswa ni utu andatambukirwa hata kare na kare.

Zaburi 62:2

Iye ndiye mwamba wangu na wokofu wangu, ngome yangu, sindakakamiswa ni utu.

Zaburi 55:22

Gosi ganagokuremerera garichire Mwenyezi Mlungu naye andakuterya hiye kandaricha mutu wa haki aphahe tabu.

Zaburi 35:25

Usiariche akadziamba chimoyo-moyo: Hukaphaha go huchigolonda au aambe: “Hukamkomesa!”

Zaburi 35:19

Usiriche nkafyorerwa ni aho ario na uadui nami bila ya chausa. Usiriche achionimena bila chausa akafwahirwa.

Zaburi 10:11

Mui nkudziambira mwakpwe rohoni, “Mlungu akayala akaloza usowe kanda, kaona chitu.

Zaburi 9:19

Unuka ee Mwenyezi Mlungu! Usimriche mwanadamu akashinda, mataifa ganjina nagalamulwe mberezo!

Ezira 9:8

“Ela vivi, Mwenyezi Mlungu, Mlungu wehu, ukahuonera mbazi kpwa uhu muda mfupi, nawe ukahusaza na kuhupha usalama kahi za phatupho phatakatifu. Ukahupha tumaini na kuhuoyeza utumwa wehu.