Zaburi 126:2 - Digo Bible

² Miromo yehu yaodzala chitseko na malilimi gehu gachipiga njerejere, halafu atu a mataifa ganjina aamba: “Mwenyezi Mlungu akaahendera mambo makulu.”

Zaburi 126:2 Referans Kwoze

Ayubu 8:21

Iye andahenda mromoo uodzale chitseko, na madomogo gapige njerejere.

Isaya 35:10

Atu ambao Mwenyezi Mlungu waativya andauyiza salama kula tsi za kure arikoatsamiza kpwa lazima andauya na kuinjira Sayuni kuno anaimba kpwa raha isiyosika. Andakala na raha siku zao zosi wala taphana ndiyekala na sababu ya kusononeka wala kuula.

Zaburi 71:19

Na haki uriyo nayo, ee Mlungu, inafika mlunguni. Uwe ukahenda mambo makulu, ee Mlungu, ni ani ariye dza uwe?

Jeremia 33:11

sauti za raha na kuhererwa, njerejere apigirwazo bwana na bibi arusi na sauti za aimbadzi wakati anareha sadaka za shukurani nyumbani mwa Mwenyezi Mlungu: “Mlavireni shukurani Mwenyezi Mlungu, Mlungu wa majeshi mana Mwenyezi Mlungu ni mnono, mana mendzwaye taisika ta kare na kare!”

Zaburi 53:6

Mendza kala wokofu wa Iziraeli ungekpwedza kula Sayuni! Mlungu ndiphohenda atue aongokerwe tsona, atu a chivyazi cha Jakobo andashangiliya, atu a Iziraeli andahererwa.

Nehemia 6:16

Maadui ehu osi ariphosikira hivyo mataifa ganjina gosi gariouzunguluka gagbwirwa ni wuoga na gachikata tamaa mana gamanya kukala yo kazi yahendwa ni Mlungu wehu.

Arumi 11:15

Ayahudi ariphomrema Jesu, Mlungu naye waarema na achigbwirana na atu asio kala Ayahudi. Hipho Mlungu ndiphoakubali Ayahudi tsona, indakala avi atu a kufwa akafufulwa!

Zaburi 51:14

Ee Mlungu, unitivyaye, nitivya na dambi ya kuolaga, nami nindaimba kuhusu ukombolio na raka ra dzulu.

Zaburi 14:7

Naaza kala wokofu wa Iziraeli ungekpwedza kula Sayuni! Mwenyezi Mlungu ndiphohenda atue aongokerwe tsona, atu a chivyazi cha Jakobo andashangiliya, atu a Iziraeli andahererwa.

Ezira 3:11

Achiimba kutogola na kushukuru Mwenyezi Mlungu kpwa kuamba, “Mwenyezi Mlungu ni mnono, mana mendzwaye kpwa Iziraeli taisika ta kare na kare.” Nao atu osi achikota kululu kumtogola Mwenyezi Mlungu chausa ni kuikpwa msingi wa nyumba ya kuvoya Mlungu.

Isabu 23:23

Taphana utsai unaoweza kuloga Jakobo, wala muhaso unaoweza kuhumirwa chinyume cha Iziraeli. Atu andaamba kuhusu Jakobo yani Iziraeli, ‘Lolani vyo Mlungu arivyohenda!’

Isaya 51:11

Aho ariokombolwa ni Mwenyezi Mlungu andauya. Andainjira Sayuni kuno anaimba, kuhererwa kundakala chiremba mwao vitswani ta kare na kare, andahererwa sana na taandasononeka wala kuula.

Jeremia 31:7

Mana Mwenyezi Mlungu anaamba, “Muimbireni Jakobo na raha, rikotereni kululu ro taifa kulu kuriko gosi. Tangazani, mtogole muambe, ‘Mwenyezi Mlungu akativya atue atu asereo a Iziraeli.’

Ezekieli 36:36

Ndipho mataifa ganjina garigosala kukuzungulukani gandamanya kukala mimi Mwenyezi Mlungu nkadzenga tsona midzi yobomolwa na nkaphanda tsona tsi ambayo kala ni tuphu; mimi Mwenyezi Mlungu nkaamba nami ndavihenda.’