Zaburi 12:6 - Digo Bible

⁶ Ahadi za Mwenyezi Mlungu tazina ati-ati, ni swafi dza feza ichiyotsuswa na moho kano sabaa, dza feza ichiyotsuswa kano sabaa.

Zaburi 12:6 Referans Kwoze

Misemo 30:5

Chila neno ra Mlungu ni ra kuaminika, Iye ni ngao kpwa hara amzorerao kudzitivya.

Zaburi 18:30

Njira ya Mlungu taina ila, ahadi ya Mwenyezi Mlungu ni ya kukuluphirika! Iye ni ngao kpwa osi amchimbirirao.

2 Samueli 22:31

Njira ya Mlungu taina ila, ahadi ya Mwenyezi Mlungu ni ya kukuluphira! Iye ni ngao kpwa osi amchimbirirao.

Zaburi 19:8

Shariya za Mwenyezi Mlungu zi sawa, nkuhenda moyo ukahererwa. Malagizo ga Mwenyezi Mlungu ni ga haki, nkumvugula mutu matso.

Zaburi 66:10

Mana uwe, ee Mlungu, ukahupima, uwe ukahujeza dza viratu feza itsukutswavyo na moho.

Zaburi 119:140

Ahadizo zinakuluphirika, nami mtumishio nazimendza.

Kutsama 3:7

Chisha Mwenyezi Mlungu achiamba, “Kpwa kpweli nkaona kugaya kpwa atu angu hiko Misiri. Nkasikira chiriro chao kpwa sababu ya aimirizi aho anavyoagayisa, nami namanya mashaka gao.

Kutsama 3:8

Kpwa hivyo, nkatserera kpwedzaativya na kugaya anakogayiswa ni Amisiri na niatuluze tsi iyo, chisha niaphirike tsi nono ya nafwasi, tsi yenye rutuba. Tsi iyo inasagala Akanani, Ahiti, Aamori, Aperizi, Ahivi na Ajebusi.

Kutsama 6:1

Phahi Mwenyezi Mlungu achimuamba Musa, “Sambi undaona ndivyo muhenda Farao. Kpwa uwezo wangu nindamuhenda aariche nyo atu auke, na kpwa uwezo wangu andaazola kpwenye tsiiye.”

Ayubu 20:19

Mana akaonera achiya na kuaricha bila chitu, akahala kpwa nguvu nyumba ambazo kazidzengere.

Ayubu 28:1

Kpweli kuna timbo ya feza, na phatu phafulwapho zahabu.

Zaburi 9:13

Nionera mbazi ee Mwenyezi Mlungu! Lola vira nigayiswavyo ni hinyo anizirao, nitivya kula kpwenye maryango ga chifo,

Zaburi 76:10

Hakika tsukizizo chinyume cha anadamu zindahenda ulikpwe, na ndiosazwa ni tsi zizo andakuabudu wakati wa sikukuuzo.

Misemo 22:23

Mana Mwenyezi Mlungu ndiye mkanizi wao, naye andaalafya uzima aho ndioogofyera uzima wao.

Isaya 14:22

Mwenyezi Mlungu, Mlungu wa majeshi anaamba, “Nindaivamia tsi ya Babeli ikale gandzo. Sindasaza chitu himo, si nyo enye, si vivyazi vyao.” Mimi Mwenyezi Mlungu nkaamba.

Isaya 33:10

Ela Mwenyezi Mlungu anaamba, “Nindahenda chitu ili nitogolwe sana.