Zaburi 12:1 - Digo Bible

¹ Huterye Mwenyezi Mlungu mana takuna tsona atu anono, atu aaminifu akasira duniani.

Zaburi 12:1 Referans Kwoze

Jeremia 5:1

Zolani mairo kpwenye barabara za Jerusalemu, lolani na mdzionere enye! Chunguzani mo mwakpwe mihalani ichikala mundaona angaa mutu mmwenga, ahendaye haki na aendzaye kpweli ili niswamehe mudzi uhu.

Isaya 57:1

Mutu wa haki achifwa, taphana mutu ajaliye, atu amuogophao Mlungu nkuuswa duniani, taphana aelewaye kukala enye haki nkuuswa ili asiphahwe ni mai.

Mathayo 24:12

Na kpwa sababu ya kuenjerezeka uyi, mendzwa ya atu anji indaphunguka.

Isaya 63:5

Náriyariya, ela sipatire mutu wa kuniterya, náangalala kpwa kukala taphayakala na mutu wa kuniunga mkpwono, phahi mkpwono wangu uchinipha ushindi, na tsukizi zangu zichinitiya nguvu.

Zaburi 6:1

Ee Mwenyezi Mlungu, usinidemurire wakati ukareya, usinitiye adabu wakati ukatsukirwa!

Misemo 20:6

Atu anji anadai kukala ni asena anono, ela msena muaminifu kpweli-kpweli aphahikana kuphi?

Mwandzo 6:12

Mlungu wailola dunia na achiiona kukala ikabanangika kpwa mana chila mutu kala analunga njiraze mbii.

Mathayo 8:25

Anafundzie akpwendamlamusa, kuno anaamba, “Bwana, hutivye, hunahoha!”

Isaya 1:9

Napho Mwenyezi Mlungu, Mlungu wa majeshi, kahusazirire moyo atu achache hungekala dza atu a Sodoma yani hungeigana na atu a Gomora.

Zaburi 54:1

Nitivya kpwa dzinaro, ee Mlungu, amula kukala sina makosa kpwa nguvuzo.

Zaburi 6:4

Galuka unitivye; ee Mwenyezi Mlungu, unikombole kpwa ajili ya mendzwayo.

1 Nyakati 15:21

Ela Matithia, Elifelehu, Mikineya, Obedi-Edomu, Jeieli na Azazia kala apige ngephephe zao kulengana na mriro wa Sheminithi ambao kala ni wa kulongoza ngoma zosi.

Zaburi 3:7

Unuka ee Mwenyezi Mlungu! Nitivya ee Mlungu wangu! Wanga makofi maadui gangu, angʼole meno na uariche bila ya uwezo.

Mathayo 14:30

Ela ariphoona zira tsulu za maimbi, watishirwa na achiandza kuhoha. Phahi wakota kululu achiamba, “Bwana nitivya!”

Isaya 59:4

Taphana ashitakiye kpwa haki, na taphana adziheheraye kpwa kugomba kpweli. Mnakuluphira maneno mahuphu na kugomba handzo, na kupanga njama mbii za kuhenda uyi.