Zaburi 119:91 - Digo Bible

⁹¹ Viumbe vyosi vi phapha rero kpwa shariyayo, mana vitu vyosi vinakuhumikira uwe.

Zaburi 119:91 Referans Kwoze

Isaya 48:13

Mkpwono wangu ndio urioika msingi wa dunia, na mkpwono wangu wa kulume uchitandaza ko mlunguni, ninaphoziamurisha nyenyezi, nkudzikusanya phamwenga.

Mathayo 8:9

Mana hata mimi ni tsini ya akulu angu, nami nina asikari ambao a tsini yangu. Nchimuamba mmwenga, ‘Phiya phatu fulani!’ Anaphiya; na wanjina nchimuamba, ‘Ndzo!’ Aredza. Piya nchimuamba mtumishi wangu, ‘Henda utu fulani!’ Naye anahenda.”

Jeremia 33:25

Mwenyezi Mlungu anaamba hivi, ‘Kala siikire chilagane changu cha usiku na mutsi na kuika malagizo kuhusu utaratibu wa mlunguni na duniani,

Mwandzo 8:22

Muda wosi dunia ndiphokalako kundakala na minga ya kuphanda na kuvuna. Muda wosi kundakala na minga ya mnyevu na dzoho, minga ya mwaka na vuri, usiku na mutsi, vivyo vindakalako hata kare na kare.”

Mathayo 5:45

ili mkale dza Sowe yenu ariye mlunguni. Mana nkuhenda dzuware riangʼarire atu anono na ayi, na mvula ikanya kpwa atu a haki na asio haki.

Aamuli 5:20

Nyenyezi za mlunguni zashiriki viha, zalunga njira zao, zichipigana na Sisera.

Kumbukumbu 4:19

Dzimanyirireni ndipholola mlunguni na kuona dzuwa, mwezi, nyenyezi na vitu vyosi, sedze mkaaza kuviabudu na kuvihumikira. Vitu hivyo Mwenyezi Mlungu, Mlunguo akavirichira atu anjina osi duniani.

Isaya 40:26

Unulani matso genu mlole ko dzulu, ni ani ariyeumba zo nyenyezi mzionazo? Iye azilongozaye dza jeshi na kuzimanya isabuye, aziihaye zosi, chila mwenga na dzinare. Kpwa kukala ana nguvu nyinji, na uwezo mkpwulu, taphana hata mwenga isiyokalapho.