Zaburi 119:81 - Digo Bible

⁸¹ Roho yangu ikaremwa kpwa kugodzera wokofuo, ela nikaika tumaini rangu kahi ya nenoro.

Zaburi 119:81 Referans Kwoze

Zaburi 84:2

Moyo wangu unaaza sana, yani unazimiya kpwa hamu ya kusagala muhalani pha Mwenyezi Mlungu; Moyo wangu na mwiri wangu unamuimbira na raha Mlungu ariye moyo.

Zaburi 119:40

Naaza sana kulunga malagizogo tundza maisha gangu mana uwe u wa haki!

Zaburi 73:26

Mwiri wangu na moyo wangu vinaweza kushindwa, ela Mlungu ndiye autiaye nguvu moyo wangu na ndiye mtalo wangu hata kare na kare.

Wira wa Selemani 5:8

Niapirani mwimwi achetu a Jerusalemu, kukala muchimuona wende wangu, mundamuambira kukala ni mnyonje kpwa mendzwa.

Zaburi 119:114

Uwe ndiwe chimbiriro rangu na ngao yangu, nikaika tumaini rangu kahi ya nenoro.

Zaburi 119:77

Nionera mbazi ili niishi mana shariyayo inanihamira.

Zaburi 119:74

Hinyo akuogophao andaniona na ahererwe, kpwa kukala nikaika tumaini rangu kpwenye nenoro.

Zaburi 119:42

Hipho ndipho ndiphokala na jibu ra hinyo anaonifyorera, mana mino nakuluphira nenoro.

Zaburi 119:20

Roho yangu inaluma kpwa kuaza kumanya shariyazo wakati wosi.

Ayubu 19:27

Mimi nindamuona na matso gangu gandamlola, naye si wanjina. Moyo wangu unamgodzera kpwa hamu!

Zaburi 119:41

Mendzwayo isiyosika nainedzere, ee Mwenyezi Mlungu na wokofuo naunedzere kulengana na ahadiyo.

Zaburi 119:43

Nihenda nigombe kpweli chila wakati mana nikakuluphira malagizogo.

Zaburi 130:5

Namgodzera Mwenyezi Mlungu, moyo wangu unagodzera, matumaini gangu ni kpwenye nenore.