Zaburi 119:50 - Digo Bible

⁵⁰ Utu unaoniphoza marenda wakati wa kugaya kpwangu ni kukala ahadiyo inanipha uzima.

Zaburi 119:50 Referans Kwoze

Arumi 15:4

Na gosi garigoandikpwa hipho kare, gaandikpwa ili kuhufundza swiswi. Huchivumirira, gago ganahutiya moyo ili hukale na kuluphiro.

Johana 6:63

Roho Mtakatifu ndiye alavyaye uzima. Mwanadamu kana rorosi awezaro. Maneno higa nchigokuambirani ni ga Roho Mtakatifu, nago ganalavya uzima.

Zaburi 94:19

Moyo wangu uriphokala unayugika na mambo manji, uwe waniphoza marenda na uchinihenda nihererwe.

Zaburi 28:7

Mwenyezi Mlungu ndiye nguvu yangu na ngao yangu, moyo wangu unamkuluphira iye, iye nkuniterya, na moyo wangu unashangiliya nami nindamuimbira wira wa shukurani.

Zaburi 42:11

Kpwa utu wani moyo wangu unasononeka? Kpwa utu wani nayugika mwangu moyoni? Mkuluphire Mlungu, mana nindamtogola tsona iye, muokoli wangu na Mlungu wangu.

Jeremia 15:16

Uriphogomba nami, nasikira manenogo, nago gachihenda nikale na raha, mana ninaihwa kpwa dzinaro, Ee Mwenyezi Mlungu, Mlungu wa majeshi.

Zaburi 42:8

Mutsi Mwenyezi Mlungu nkulagiza mendzwaye, na usiku wirawe u phamwenga nami voyo kpwa Mlungu aniphaye uzima.

Zaburi 27:13

Naamini kukala nindaona unono wa Mwenyezi Mlungu kahi za tsi ya atu ario moyo.

Zaburi 119:25

Nikalazwa vumbini, nipha tsona uhai dza urivyolaga.

Ezekieli 37:10

Nálavya unabii dza arivyonilagiza, pumuzi ichiainjira, achiuya kukala moyo nao achiima; jeshi kulu sana.

1 Petero 2:2

Vivi mkatata kare na mkaandza kumanya kukala Bwana ni mnono. Phahi, dza viratu ana atsanga aazavyo maziya ga nine zao, namwi kalani na chiru ya maziya manono ga chiroho ambago mchinwa mundaweza kuphera kpwa kummanya Mlungu chikpweli-kpweli.

1 Petero 1:3

Nahumtogoleni Mlungu ambaye piya ni Isengbwa wa Bwana wehu Jesu Masihi. Mana kpwa mbazize nyinji wahuhenda huvyalwe mara ya phiri, na vivi huna hakika kukala hundaishi na Mlungu hata kare na kare kpwa sababu wamfufula Jesu Masihi.

Jakobo 1:18

Mlungu waonato kuhuhenda hukale anae kpwa kuhupha nenore ra kpweli, na sambi hu viumbe muhimu kuriko viumbevye vyosi.

Zaburi 119:38

Nitimizira ahadi uriyonilaga mimi mtumishio, ahadi ya hara akuogophao.

Zaburi 119:41

Mendzwayo isiyosika nainedzere, ee Mwenyezi Mlungu na wokofuo naunedzere kulengana na ahadiyo.

Zaburi 119:92

Kalapho si ko kuhamirwa ni shariyazo mino ningekala nkafwa na kugaya kpwangu.

Zaburi 138:7

Hata ntsupirapho shida, uwe unanirinda. Unagolosa mkpwonoo dzulu ya maadui gangu achionitsukirirwa, na unanitivya kuhumira mkpwonoo wa kulume.