25 Nikalazwa vumbini, nipha tsona uhai dza urivyolaga.
Lola vira nimendzavyo shariyazo, tundza maisha gangu, ee Mwenyezi Mlungu, kulengana na mendzwayo isiyosika.
Uwe uchiyenihenda nitsupire mashaka manji makulu undanitiya nguvu tsona. Undanituluza vivwa vya duniani unirehe dzulu tsona.
Tundza maisha gangu kpwa sababu ya dzinaro, ee Mwenyezi Mlungu! Kpwa sababu ya hakiyo ntuluza tabuni!
Hukazamiswa hadi photsi mtsangani, miri yehu ikagbwirana na photsi.
Wakati wosi ni lazima mririkane kuhusu maisha genu maphya na mambo ga mlunguni, wala msiaze mambo ga asili ya chibinadamu.
Mbazizo ni nyinji, ee Mwenyezi Mlungu, manyirira maisha gangu kulengana na hakiyo.
Sindagayala malagizogo, mana ndigo chigonihenda nkale moyo.
Nitivya kulengana na mendzwayo isiyosika, ili niweze kulunga malagizogo.
Naaza sana kulunga malagizogo tundza maisha gangu mana uwe u wa haki!
Rinda matso gangu gasilunge mambo gasigo mana, tundza maisha gangu sawa-sawa na nenoro.
Halafu naswi tahundagaluka na kukuricha, huphe uzima naswi hundakuabudu.
Mwenyezi Mlungu, Mlungu wenu, andakuhendani mwimwi na vivyazi vyenu mkale atiifu kusudi mummendze iye kpwa mioyo yenu yosi na roho zenu zosi ili mkale moyo.
Analongozwa ni tamaa mbii za miri yao, na kudzikarya na mambo ga waibu ahendago. Kazi yao ni kuaza mambo ga himu duniani bahi. Mwisho wao ni mohoni.
Sikira sauti yangu kulengana na mendzwayo isiyosika, rinda maisha gangu, ee Mwenyezi Mlungu, kulengana na shariyazo.
Nikagaya sana, ee Mwenyezi Mlungu, nihenda nikale moyo kulengana na nenoro!
Mabawa na ana ngʼondzi andarisa phamwenga, simba andarya nyasi dza ngʼombe, ela nyoka andarya vumbi. Taandalumiza atu wala kubananga chitu kpwenye mwango wangu mtakatifu,” Mwenyezi Mlungu anaamba.
Umiro wangu ukauma dza chidzaya na lilimi rangu rikagbwirana na lilakalaka. Nawe ukaniricha vumbini ili nifwe.
Ela Jesu achimgalukira Petero, achimuamba, “Hebu niukira, Shetani wee! Unanizuwiya nisihende nilondwago nihende, mana maazogo ni ga chibinadamu bahi, sigo ga chimlungu.”
Unuka, wedze uhuterye! Hukombole kpwa sababu ya mendzwayo isiyosika!
