20 Roho yangu inaluma kpwa kuaza kumanya shariyazo wakati wosi.
Moyo wangu unaaza sana, yani unazimiya kpwa hamu ya kusagala muhalani pha Mwenyezi Mlungu; Moyo wangu na mwiri wangu unamuimbira na raha Mlungu ariye moyo.
Uwe Mlungu, u Mlungu wangu, nami nakuendza; roho yangu ina chiru nawe. Mwiri wangu unatunu nawe kahi ya tsi kavu isivyokala na madzi.
Mromo wangu u laza na navumahika, kpwa kuaza sana malagizogo.
Naaza wokofuo, ee Mwenyezi Mlungu, na shariyayo inanihenda nihamirwe.
Naaza sana kulunga malagizogo tundza maisha gangu mana uwe u wa haki!
Msena wa kpweli ni kuonyesa mendzwa wakati wosi na ndugu nkuvyalwa ili afwae siku za tabu.
Dze, andahamirwa ni iye Mwenye Nguvu Zosi? Dze, andamuiha Mlungu wakati wosi?
Niapirani mwimwi achetu a Jerusalemu, kukala muchimuona wende wangu, mundamuambira kukala ni mnyonje kpwa mendzwa.
Hamu ya mutu ichikaizwa kuuswa moyo nkuluma, ela ndoso ya mutu itimizwapho, nkureha uzima.
Baha aho anaohenda haki, anaohenda garigo sawa wakati wosi!