Zaburi 119:144 - Digo Bible

¹⁴⁴ Malagizogo ni ga haki hata kare na kare, nipha ufahamu kpwa nikale moyo.

Zaburi 119:144 Referans Kwoze

2 Akorintho 4:6

Mana Mlungu ndiye ariyeamba, “Mwanga naungʼale kula jizani.” Na hinyo mwangawe wauhenda ungʼale mwehu mioyoni ili huphahe mwanga wa kuelewa utukufuwe unaongʼala usoni pha Jesu.

Danieli 12:10

Atu anji andatsuswa, ahendwe asikale na ila na atakaswe, ela atu ayi andaenderera kuhenda uyi. Nyo atu ayi taandaelewa, ela nyo a ikima andaelewa.

Jeremia 4:22

“Mwenyezi Mlungu achiamba, atu angu ni azuzu, taanimanya tse; Aho ni anache azuzu, asiomanya rorosi. Atu aho ni anamanya kuhenda mai, ela kuhenda manono taamanya.”

Zaburi 119:169

Chiriro changu nachikufikire, ee Mwenyezi Mlungu, nipha ufahamu kulengana na nenoro.

Isaya 27:11

Pandaze ndizouma zindavundzwa, achetu andazihala azihende kuni. Kpwa kpweli atu hano taaelewa, kpwa hivyo muumba wao kandaaonera mbazi wala kuaswamehe.

Misemo 10:21

Maneno ga enye haki ganafwaidi atu anji, ela azuzu aolagbwa ni kukosa achili.

Zaburi 119:73

Waniumba mwenye uwe, na mikonoyo, nipha ufahamu, ili nidzifundze malagizogo.

Mathayo 13:19

Mutu asikirapho neno kuhusu ufalume wa Mlungu na asiuelewe, ni kukala Shetani akedza akahala chira chophandwa mwakpwe moyoni. Hinyu ni mfwano wa mbeyu yogbwa njirani.

Mathayo 5:18

Nakuambirani kpweli: Kabila mlunguni na duniani kusika, takuna hata arufu mwenga au seemu ndide ya Shariya ndiyouswa bii hadi yosi ikamilike.

Zaburi 119:152

Hangu kare nádzifundza kula kpwa malagizogo, kpwa kukala wagahenda gakale ga kare na kare.

Zaburi 119:138

Uwe ukalavya malagizogo kpwa haki na uaminifu.

Zaburi 119:66

Nipha achili na marifwa mana ninakuluphira malagizogo.

Zaburi 19:9

Kumuogopha Mwenyezi Mlungu ni kunono na kunaenderera hata kare na kare. Malagizo ga Mwenyezi Mlungu ni ga kpweli na gosi ni ga haki.

Johana 17:3

Na hinyo uzima wa kare na kare ni kukumanya uwe, Mlungu wa kpweli, Mlungu macheye, na kunimanya mimi, Jesu Masihi, uriyenihuma himu duniani.

Hosea 4:6

Atu angu anaangamika kpwa kukosa marifwa. Kpwa kukala mwakahala marifwa, mimi nami nkakukahalani mkale alavyadzi-sadaka angu. Kpwa sababu mwayala shariya za Mlungu wenu, nami piya nindayala ana enu.

Zaburi 119:34

Nipha ufahamu ili niweze kugbwira shariyayo na kuilunga moyo kutsuka.

Zaburi 119:17

Nihendera manono mimi mtumishio ili niishi na kugbwira nenoro.

Zaburi 119:151

Ela uwe u phephi nami, ee Mwenyezi Mlungu, na malagizogo gosi ni ga kpweli.

Misemo 4:4

baba wanifundza achiamba, “Moyoo nauririkane sana maneno gangu, gbwira shariya zangu, nawe undaishi.

Misemo 7:2

Lunga shariya zangu nawe undaishi, rinda mafundzo gangu dza tembe ya dzitsoro.