Zaburi 119:1 - Digo Bible

¹ Baha atu ambao njira zao tazina lawama, atu alungao shariya za Mwenyezi Mlungu!

Zaburi 119:1 Referans Kwoze

Luka 11:28

Ela Jesu achimuamba, “Ni kpweli, ela ario na raha zaidi ni hinyo asikirao ujumbe wa Mlungu na akaukubali!”

Ezekieli 11:20

ili alunge malagizo gangu na kugbwira shariya zangu kpwa makini. Achihenda hivyo andakala atu angu nami ndakala Mlungu wao.

Jakobo 1:25

Ela mutu achilolato shariya isiyo na lawama yiikayo atu huru, iye andajaliwa ichikala andavumirira na kuphundza iyo shariya bila ya kuyala arirorisikira.

Zaburi 128:1

Baha mutu amuogophaye Mwenyezi Mlungu, alungaye njira za Mlungu.

Johana 13:17

Na kpwa vira mnamanya mambo higa, phahi mchigalunga mundaajaliwa.

Luka 1:6

Osi airi kala ni atu a kumuogopha Mlungu, alunga shariya za Mlungu na malagizoge gosi bila lawama tse.

Zaburi 112:1

Haleluya. Mwenyezi Mlungu naatogolwe. Baha mutu amuogophaye Mwenyezi Mlungu, mutu ahamirwaye ni malagizoge.

Misemo 11:20

Mwenyezi Mlungu nkutsukizwa ni atu enye nia mbii, ela nkufwahirwa ni atu ambao njira zao tazina lawama.

Mahendo 24:16

Kpwa hivyo, siku zosi nahenda chadi kuhenda mambo manono mbere za Mlungu na anadamu.

Zaburi 101:2

Nindahenda chadi niishi bila lawama. Vino undaniedzera rini? Nindasagala mwangu nyumbani na uaminifu.

Hosea 14:9

Mutu yeyesi ariye na ikima naaelewe, na hiye awezaye kutambuwa naamanye maneno gaga, mana njira za Mwenyezi Mlungu ni za haki, na enye haki andazilunga, ela aasi andakpwala agbwe mo njirani.

Maono 22:14

Baha atu afulao kandzu zao na kuzitsusa, ili aphahe ruhusa ya kuinjira nyo mudzi muphya kutsupira miryangoye na arye matunda ga muhi urehao uzima.

Zaburi 101:6

Nindaatundza vinono atu ario aaminifu tsi yosi, nao andasagala phamwenga nami. Mutu asiye na lawama ndiye ndiyenihumikira.

2 Akorintho 1:12

Hunahenda ngulu kpwa sababu hunaweza kukuambirani bila kusita-sita kala hwaishi kpwa uaminifu na moyo kutsuka. Naswi hwaahendera hivyo atu osi na haswa mwimwi mosi kpwa kuadamira mbazi za Mlungu badala ya marifwa gehu ga hipha duniani.

Johana 1:47

Jesu ariphomuona Nathanieli anatsoloka, wagomba kumuhusu achiamba, “Ye edzaye ni Muiziraeli mwenye-mwenye, mana mwakpwe rohoni, kana handzo.”

Ayubu 1:8

Chisha Mwenyezi Mlungu achimuuza Shetani achimuamba, “Dze ukamuona mtumishi wangu Ayubu? Mana takuna dza iye duniani. Iye kana lawama, ni mutu wa haki, naye anamuogopha Mlungu na kudzitenga na uyi.”

Ayubu 1:1

Kpwakala na mutu mmwenga ko tsi ya Usi, yeihwa Ayubu. Mutu iye kala kana lawama, kala ni mutu wa haki, yemuogopha Mlungu na kudzitenga na uyi.

2 Afalume 20:3

“Uwe Mwenyezi Mlungu, nakuvoya utambukire vira nrivyokuhumikira kpwa uaminifu, na kpwa moyo wangu wosi, na kuhenda manono mberezo.” Hezekiya achirira sana kpwa utsungu.

Misemo 13:6

Haki inarinda mutu aphiyaye njira za sawa, ela dambi inabananga atu ayi.

2 Samueli 22:22

Mana nágbwira njira za Mwenyezi Mlungu, na siyamricha Mlungu wangu, kpwa kuhenda uyi.

Misemo 29:18

Atu achikosa maono nkuricha kudzizuwiya, ela mutu agbwiraye shariya ana baha.