Zaburi 112:4 - Digo Bible

⁴ Hata kuchikala na jiza chisha mwanga undamungʼarira mutu ahendaye sawa, Mwenyezi Mlungu ana mbazi, huruma na haki.

Zaburi 112:4 Referans Kwoze

Ayubu 11:17

Nago maishago gandangʼala kuriko mwanga wa mutsi, na jizare rikale dza ligundzu.

Isaya 58:10

mchidzilavya kurisa mutu mwenye ndzala, na kutosheleza mahitaji ga mutu agayiswaye, mwanga wenu undangʼala jizani na gunjugunju yenu indakala dza dzuwa ra mutsi.

Zaburi 97:11

Mwanga nkuangʼarira mutu wa haki, na raha nkumungʼarira mwenye moyo uriotsuka.

1 Johana 3:7

Anangu, msichengbwe. Mutu ahendaye mahendo ga haki, ana haki dza viratu Jesu arivyo.

Luka 6:36

Phahi, kalani na mbazi dza Sowe yenu ariye mlunguni arivyo.”

1 Johana 2:29

Kpwa vira mnamanya kala Jesu ni wa haki, phahi piya manyani kukala osi ahendao haki ni ana a Mlungu.

Aefeso 4:32

Ela oneranani mbazi na muhenderane mambo manono. Mswameheane dza viratu Mlungu arivyokuswameheni kpwa sababu ya Jesu ariyehuokola.

Zaburi 106:1

Haleluya. Mtogoleni Mwenyezi Mlungu. Mshukuruni Mwenyezi Mlungu, mana iye ni mnono, kpwa kukala mendzwaye isiyosika ni ya kare na kare.

Aefeso 5:9

Na ario mwangani kazi yao ni kukala na tabiya nono, kuhenda mambo ga haki, na kugomba kpweli wakati wosi.

Johana 12:46

Nákpwedza duniani dza mwanga, ili chila mmwenga ndiyenikuluphira asisale jizani tsona.

Zaburi 37:6

Andahenda hakiyo ingʼale dza mwanga wa ligundzu na uamulio wa haki dza dzuwa ra lihosini.

Malaki 4:2

Ela mwimwi muogophao dzina rangu, dzuwa ra haki rindakutulukirani na mwangawe undareha uphozi. Mundatina-tina kpwa raha dza ana ngʼombe achiotuluka chaani.”

1 Johana 3:10

Yeyesi asiyehenda mahendo ga haki au asiyemmendza mfuasi myawe, siye mwana wa Mlungu. Iyo ndiyo tafwauti ya ana a Mlungu na a Shetani.

Aefeso 5:15

Phahi dzimanyirireni vira muishivyo, msikale dza azuzu, ela kalani alachu na muonyese tabiya nono.

Isaya 50:10

Ni ani kahi yenu amuogophaye Mwenyezi Mlungu, na kulunga kauli ya mtumishiwe? Ni iye anyendekaye jizani kusiko mwanga, kuno anamkuluphira Mwenyezi Mlungu na kuadamira Mlunguwe.

Ayubu 22:28

Chila ndichoamuwa kuchihenda chindaongokerwa, na mwanga undangʼarira njirazo.

Ayubu 29:3

Wakati taaye kala inaaka dzulu ya chitswa changu, na kunimwirikira mwanga wakati kala nanyendeka jizani.

Zaburi 116:5

Mwenyezi Mlungu ni wa mbazi na wa haki, Mlungu wehu ana huruma.

Zaburi 145:17

Mwenyezi Mlungu ni wa haki kahi ya njiraze zosi, na ni wa mbazi kahi ya mahendoge gosi.

Misemo 21:21

Mutu ahendaye mambo ga haki na kuonera ayae mbazi andaphaha uzima, haki na ishima.

Isaya 58:8

Ndipho mwangao undangʼala dza ligundzu, namwi mundaphozwa upesi, hakiyo indakutanguliya, na nguma ya Mwenyezi Mlungu indakurinda nyumazo.