Zaburi 11:1 - Digo Bible

¹ Mwenyezi Mlungu ndiye chimbiriro rangu. Mnawezadze kuniamba, “Uruka dza nyama wa mapha uchimbirire myangoni,

Zaburi 11:1 Referans Kwoze

Zaburi 56:11

Namkuluphira Mlungu bila wuoga. Pho kpwani mwanadamu andanihendani?

Zaburi 25:2

Nakukuluphira uwe, ee Mlungu wangu usiniriche nkagbwirwa ni waibu, usiriche maadui gangu gakahererwa kpwa sababu nkashindwa.

1 Samueli 23:14

Phahi Daudi waenderera kudzifwitsa pangani ko tsi ya myango ya weru wa Zifu. Naye Sauli kala achimuendza chila siku, ela Mlungu kayamtiya Daudi mikononi mwa sauli.

Luka 13:31

Siku iyo-iyo Mafarisayo anjina akpwedzamuamba Jesu, “Uka hipha, uphiye phatu phanjina, mana Mfalume Herode analonda akuolage.”

Misemo 6:5

Phatsula upesi dza chiphala kula mikononi mwa muindza, dza nyama wa mapha aphatsulavyo agbwirwapho ni muhego.

Zaburi 16:1

Nirinda, ee Mlungu, mana ninachimbirira kpwako.

2 Nyakati 16:8

Kpwani nyo Akushi na Alibiya kala siro jeshi kulu sana renye magari manji ga kuvwehwa ni farasi na aphirikie? Ela Mwenyezi Mlungu ye waatiya mwako mkpwononi kpwa vira uwe wamkuluphira.

Zaburi 31:14

Ela nakukuluphira uwe, ee Mwenyezi Mlungu, na ninaamba, “Uwe u Mlungu wangu.”

Zaburi 9:10

Osi anaokumanya nkukukuluphira, mana uwe ee Mwenyezi Mlungu, kumricha yeyesi anayekuendza.

Zaburi 7:1

Ee Mwenyezi Mlungu nakuchimbirira unirinde; nitivya na anaonizoresa na unitivye,

2 Nyakati 14:11

Asa wamririra Mwenyezi Mlungu, Mlunguwe achiamba, “Mwenyezi Mlungu, taphana wanjina dza uwe awezaye kuterya kahi ya mwenye mkpwotse na mnyonje. Ee Mwenyezi Mlungu, huterye kpwa mana swino hunakukuluphira uwe. Naswi hukedzapigana na jeshi hiri kulu kpwa dzinaro. Ee Mwenyezi Mlungu, uwe ndiwe Mlungu wehu, usiriche mwanadamu akakuturya.”

1 Samueli 20:38

Jonathani wamkotera kululu iye mwanachewe achimuamba, “Upesi! Zola mairo usichelewe!” Mwanache wa Jonathani watsolatsola yo mivi, achiuya kpwa bwanawe.

1 Samueli 27:1

Naye Daudi wagomba chimoyo-moyo achiamba, “Siku mwenga Sauli andakpwedza aniolage, baha nchimbire mphiye tsi ya Afilisti. Chihivyo Sauli andakata tamaa ya kuniendza tsona kahi ya tsi ya Iziraeli nami ndatiya.”

1 Samueli 22:3

Kula hiko Daudi waphiya Mizipa kpwenye tsi ya Moabu achendamuambira mfalume wa Moabu, “Nikubaliya baba na mayo akutuluke hiko ariko, edze asagale kpwako hadi ndiphomanya rira ndiro henderwa ni Mlungu.”

1 Samueli 19:11

Usiku hinyo-hinyo Sauli wahuma atu kpwendamuoteya Daudi phakpwe mryangoni, ili ligundzu amuolage. Ela mchewe Mikali achimuamba, “Usiphochimbira vi usiku ukativya rohoyo, muhondo undaolagbwa.”

Nehemia 6:11

Ela nchimuambira, “Sindainjira, kpwadze mutu dza mimi nchimbire? Dze, mutu dza mino naweza kuinjira nyumba ya kuvoya Mlungu ili nidzitivye?”

Zaburi 7:2

sedze akanimwamula dza simba ahendavyo, na akaniguruta, bila ya mutu kunitivya.

Jeremia 48:14

Mwi atu a Moabu kpwa utu wani munaamba, ‘Hu ashindi na masujaa a viha?’