Zaburi 104:15 - Digo Bible

¹⁵ uchi wa zabibu wa kuachangamusha, mafuha ga kuahenda nyuso zao zinyinyihe, na chakurya cha kuatiya nguvu.

Zaburi 104:15 Referans Kwoze

Zaburi 23:5

Unaniandazira karamu kuno maadui gangu ganalola. Ukanimwagira mafuha phangu chitswani ili kuniishimu, na kuodzaza chikombe changu hadi chinafurika.

Muhubiri 10:19

Sharee nkuhendwa kpwa sababu ya kudziburudisha, uchi nkuchangamusha maisha, ela pesa ndiyo suluhisho ra chila chitu.

Muhubiri 9:7

Vivi enderera kurya chakuryacho kpwa raha, chisha unwe uchio kpwa kuhererwa, mana gaga ganamuhamira Mlungu.

Aamuli 9:13

Ela mzabibu uchirema uchiamba, ‘Dze! Niriche kulavya uchi unaohenda milungu na anadamu kusikira raha, niphiye nkatawale mihi?’

Aeburania 1:9

Uwe unamendza gara garigo manono, na kuzira gosi garigo mai. Kpwa hivyo Mlungu, Mlunguo, akakusaka mafuha ga kukuhamira kpwa kukuhenda mkpwulu kuriko ayao osi.”

Aefeso 5:18

Msilewe uchi, mana ulevi unabananga maisha. Ela tawalwani ni Roho Mtakatifu.

Zaburi 92:10

Ukanihenda nikale na mkpwotse dza nyahi ukanimwagira mafuha maphya.

1 Johana 2:20

Ela Roho Mtakatifu wainjira mwenu mioyoni, na mosi mnamanya kpweli.

Ezekieli 4:16

Tsona achiniamba, “Mwanadamu, nindahenda chakurya chisiphahikane kpwa urahisi ko Jerusalemu. Aho andarya chiwuoga-wuoga chakurya cha kupimirwa na andanwa madzi ga kupimirwa bila matumaini.

Jeremia 31:12

Andakpwedza aimbe na raka ra dzulu pho mwango wa Sayuni, andahererwa kpwa sababu ya unono wa Mwenyezi Mlungu, kpwa mtsere, uchi na mafuha niaphago, na kpwa mangʼondzi na ngʼombe piya. Maisha gao gandakala dza minda iriyo na chinemi, nao taandakala na sonono tsona.

Aamuli 9:9

“Mzaituni uchijibu uchiamba, ‘Dze! Niriche kazi yangu ya kulavya mafuha ambago kutsupira higo milungu na anadamu anaishimiwa, nkadziyuge kukala mtawala wa mihi?’

Luka 7:46

Tsona kukanipaka mafuha chitswani kama desturi, ela iye akanipaka marashi ga magulu.

Isaya 3:1

Lola, Mwenyezi Mlungu, Mlungu wa majeshi a phephi na kuusira Jerusalemu na Juda chila chitu akuluphiracho, yani chakurya na madzi.

Muhubiri 8:1

Ni ani ariye dza mwenye ikima? Ni ani amanyaye mana ya chitu? Ikima nkuhenda uso wa mutu ukangʼala, na kumuusira usiru.

Misemo 31:6

Muphe uchi mutu ambaye ana shida nyinji mphirikire uchi mutu ambaye ana sonono ya moyo.

Zaburi 105:16

Mlungu wareha ndzala kahi ya tsi naye achibananga chakurya chao chosi.

Kumbukumbu 28:40

Undakala na mizaituni kpwenye tsi yenu yosi, ela kundadzipaka mafuha ga zaituni hizo, kpwa sababu zaituni hizo zindaphukusika.

Kumbukumbu 8:3

Wakuhendani mnyenyekee achikurichani musikire ndzala halafu achikuphani manna mchirya, chakurya ambacho mwimwi tamchimanya, wala akare enu. Wahenda hivyo ili aphahe kukufundzani kukala mwanadamu kaishi kpwa chakurya bahi, ela kpwa chila neno rilaro kanwani mwa Mwenyezi Mlungu.

Alawi 26:26

Chakurya chenu ndachiphunguza hadi achetu kumi ahumire figa mwenga tu kujita mikahe na akuganyireni kpwa chipimo. Namwi mundarya ela tamundamvuna.

Mariko 14:23

Tsona achihala chikombe cha uchi wa zabibu, achimshukuru Mlungu. Alafu achiapha, nao achinwa osi.

Ezekieli 14:13

“Mwanadamu, tsi ichinikosera kpwa kukosa uaminifu nami nchigolosa mkpwono wangu chinyumeche na kuusa tegemeore ra chakurya na kuirehera ndzala na kuangamiza anadamu na nyama,

Ezekieli 5:16

Ndakulatsani mivi ya ubanangi ya ndzala, ndailatsa ili nkuolageni. Na ndareha ndzala ya kpwenderera hadi chakurya chisiphahikane kpwa urahisi.

Mwandzo 18:5

Piya naweza kukureherani chakurya chidide ili mphahe nguvu za kpwenderera na charo chenu, mana mkedza kpwa mtumishi wenu.” Hara mabwana achimuamba, “Haya, henda kama uchivyogomba.”

Aamuli 19:5

Ligundzu chiti siku ya ne, warauka kudzifunganya na charo cha kuuya, yuya ise wa mchewe wa chinyumba wamuamba mtsedzawe, “Msiuke hadi mphahe chakurya ili mphahe nguvu, ndipho muuke.”

2 Samueli 13:28

Abusalomu waamuru atumishie, achiambira, “Mloleni hiye Amunoni hata achikala akalewa uchi wa zabibu, nami nchikuambirani, ‘Muolageni,’ muolageni, msiogophe. Mimi ndimi nchiyekuamuruni. Kalani hodari, kalani na ujasiri.”

Misemo 31:7

Na alewe aphahe kuyala uchiya wao na tabu zao asizitambukire tsona.

Isaya 55:10

Dza mvula inyavyo na barafu igbwavyo kula mlunguni, na isiuye tsona dzulu, ela nkuihenda tsi ikalwama na ivyale, na kuapha mbeyu akurima na chakurya atu angu,

Zakariya 10:7

Chisha atu a Efuraimu andakala dza masujaa, na mioyo yao indahamirwa dza atu achionwa uchi mchache wa zabibu. Ana aho andagaona na ahamirwe, nao andahererwa mwao mioyoni kpwa sababu ya Mwenyezi Mlungu.