Zaburi 102:2 - Digo Bible

² Usinilozere kogo siku ndiphokala ninagaya sikiroro na riniphundze, nijibu mara mwenga siku nikuvoyapho!

Zaburi 102:2 Referans Kwoze

Zaburi 69:17

Usimfwitse usoo mtumishio, naona tabu, hala-hala unijibu.

Isaya 8:17

Ndamgodza Mwenyezi Mlungu na kumkuluphira iye bahi, iye ambaye akalozera kogo chivyazi cha Jakobo.

Zaburi 27:9

Usinifwitse usoo, usireye ukaniricha mimi mtumishio mana ukakala msada wangu. Usinireme wala kuniricha, ee Mlungu, muokoli wangu.

Zaburi 104:29

Uchivilozera kogo, vinaogopha; uchiviusira pumuzi, vinafwa, na kuuya mtsangani virikola.

Zaburi 70:1

Hamirwa ni kunikombola, ee Mlungu! Henda wangbwi wedze uniterye, ee Mwenyezi Mlungu!

1 Akorintho 10:13

Takuna majaribu gogosi munagophaha isiphokala garatu ga kawaida ambago anadamu ayawenu nkuphaha. Naye Mlungu ni muaminifu, kandaruhusu mphahe majaribu ga kutsapa uwezo wenu. Ela mchijezwa, Mlungu andakuphani nguvu za kuvumirira ili mgavuke salama.

Zaburi 143:7

Henda wangbwi unijibu ee Mwenyezi Mlungu, mana nkavundzika moyo! Usinilozere kogo, sedze nikakala dza atsererao kuzimu.

Zaburi 71:2

Niokola na unitivye kpwa sababu u wa haki, sikiroro na riniphundze na unitivye.

Isaya 43:2

Ndiphotsupa na phatu phenye madzi manji, nindakala phamwenga nawe na myuho taindakuhosa, ndiphotsupira mohoni, kundaphya.

Zaburi 40:13

Hamirwa ni kuniokola ee Mwenyezi Mlungu! Henda wangbwi wedze uniterye ee Mwenyezi Mlungu!

Zaburi 31:2

Hega sikiro uniphundze, henda wangbwi unitivye, kala mwamba wangu wa kuchimbirira, ngome ya kudina ya kuniokola.

Zaburi 22:19

Ela uwe Mwenyezi Mlungu, usikale kure nami; uwe uriye msada wangu, henda wangbwi wedze uniterye!

Zaburi 13:1

Ee Mwenyezi Mlungu undaniyala hata rini? Dze, undaniyala hata kare na kare? Undanilozera kogo hadi rini?

Ayubu 34:29

Ela achinyamala, ni ani awezaye kumlamula? Afwitsapho usowe taphana awezaye kumlola, si taifa, si mutu.

Ayubu 7:21

Kpwa utu wani kuswamehe uasi wangu na kuusa uyi wangu? Mana muda mchache wedzao ndalala na kogo, na uchiniendza, kundaniona.”

Isaya 65:24

Kabila taadzangbweiha nindaihika, ndiphokala achere kugomba, nindaasikira.

Kutsama 2:23

Bada ya miaka minji, yuya mfalume wa Misiri wafwa. Aiziraeli alalamika kpwa sababu ya kazi za utumwa na achirira kulonda msada. Hicho chiriro chao chafika dzulu kpwa Mlungu.

Kutsama 2:24

Mlungu wasikira kururumika kpwao na achitambukira chilagane arichoika na Burahimu, Isaka na Jakobo.

Zaburi 17:1

Ee Mwenyezi Mlungu sikira chiriro changu cha kulonda nihenderwe haki! Sikiza mavoyo gangu nivoyago kpwa roho swafi.