Zaburi 100:4 - Digo Bible

⁴ Injirani mwakpwe maryangoni na shukurani injirani mwakpwe mihalani kuno munamtogola. Mshukuruni na mumtogole.

Zaburi 100:4 Referans Kwoze

Aeburania 13:15

Phahi nahumtogoleni Mlungu na kutangaza ngumaze wakati wosi. Mana iyo ndiyo njira ya kumlavira sadaka zehu kutsupira Jesu.

1 Nyakati 29:13

Naswi pha sambi hunakushukuru, Mlungu wehu na kuritogola dzinaro tukufu.

Zaburi 66:13

Ndakpwedza kpwako nyumbani na sadaka za kuochwa. Nindausa naziri niriyoika,

Isaya 35:10

Atu ambao Mwenyezi Mlungu waativya andauyiza salama kula tsi za kure arikoatsamiza kpwa lazima andauya na kuinjira Sayuni kuno anaimba kpwa raha isiyosika. Andakala na raha siku zao zosi wala taphana ndiyekala na sababu ya kusononeka wala kuula.

Zaburi 96:2

Muimbireni Mwenyezi Mlungu na mutogole dzinare! Chila siku tangazani anavyotivya.

1 Nyakati 29:20

Chisha Daudi achiambira hiro borori ra atu, “Mtogoleni Mwenyezi Mlungu, Mlungu wenu.” Phahi borori rosi richimtogola Mwenyezi Mlungu, Mlungu wa baba zao. Azamisa vitswa vyao hadi vilangu vyao vichiguta photsi achimuabudu Mwenyezi Mlungu na achimuishimu mfalume.

Zaburi 65:1

Unafwaha kutogolwa hiko Sayuni, ee Mlungu, atu andakutimizira naziri zao.

Zaburi 95:2

Nahusengereni mbereze na mioyo iriyo tele shukurani, nahumshangilie na mawira ga kumtogola!

Zaburi 96:8

Mupheni Mwenyezi Mlungu nguma inayofwaha dzinare, reheni sadaka na muinjire phakpwe mihalani.

Zaburi 99:3

Atu naatogole dzinaro ririro kulu na ra kuogofya! Iye ni mtakatifu!

Zaburi 122:2

Vivi huimire mwako maryangoni, uwe Jerusalemu.

Zaburi 122:4

Hiko ndiko ambako mbari nkuambuka mbari za Mwenyezi Mlungu kpwendatogola dzina ra Mwenyezi Mlungu kulengana na shariya zohewa Iziraeli.