Zaburi 10:17 - Digo Bible

¹⁷ Ee Mwenyezi Mlungu undaphundza mavoyo ga anyenyekevu, uatiye moyo na usikire chiriro chao,

Zaburi 10:17 Referans Kwoze

Zaburi 145:19

Nkuatimizira haja zao osi amuogophao, tsona nkusikira chiriro chao na kuativya.

2 Nyakati 34:27

‘Kpwa kukala moyoo ukakubali upesi nawe ukagbwa maguluni mbere za Mlungu uchiphosikira manenoge chinyume cha phatu phapha na atu asagalao mumo, nawe ukagbwa maguluni mbere zangu na ukakpwanyula mavwazigo na kurira mbere zangu, mimi nami nkakusikira, Mwenyezi Mlungu anaamba.

Zaburi 34:15

Matso ga Mwenyezi Mlungu ganalola ahendao haki, na masikiroge ganaphundza chiriro chao.

1 Petero 3:12

Mana matso ga Mwenyezi Mlungu ganalola ahendao haki, na masikiroge ga wazi, kuphundza mavoyo gao. Ela uso wa Mwenyezi Mlungu u chinyume cha ahendao mai.”

Isaya 65:24

Kabila taadzangbweiha nindaihika, ndiphokala achere kugomba, nindaasikira.

Zaburi 37:4

Hererwa kahi ya Mwenyezi Mlungu naye andakupha unagoaza mwako moyoni.

1 Nyakati 29:18

Ee Mwenyezi Mlungu, Mlungu wa ano baba, Mlungu wa Burahimu, wa Isaka na wa Iziraeli, nia hino na maazo higa gaike ndani ya mioyo ya atuo na ulongoze roho zao zikumendze uwe.

Zaburi 9:12

Mana iye ariphizaye aolagadzi anajali na kapuza chiriro cha aonerwao.

1 Petero 5:5

Namwi munaolongozwa, aogopheni vilongozi enu. Na mosi avyere na adide kalani atu a pole na a kuhumikira ayawenu, mana Maandiko ganaamba: “Mlungu anapinga anaodzikarya, na kuaonera mbazi a pole.”

Jakobo 4:10

Dzitserezeni mbere za Mlungu naye andakuunulani.

Misemo 16:1

Mwanadamu nkupanga mipangoye, ela uamuzi wa mwisho ni wa Mwenyezi Mlungu.

Zaburi 102:17

Andajibu mavoyo ga achiya wala kandarema mavoyo gao.

2 Nyakati 30:12

Mlungu wahenda chila mutu hiko Juda akale na moyo wa kutimiza gara ambago mfalume na akulue agaamuru, kulengana na neno ra Mwenyezi Mlungu.

Jakobo 4:6

Ela Mlungu anahuonera mbazi zaidi. Ndiyo mana Maandiko ganaamba, “Mlungu anapinga anaodzikarya, na kuaonera mbazi a pole.”

Aefeso 3:12

Kpwa kumkuluphira na kuunganishwa naye, huna uhakika wa kufika mbere za Mlungu bila ya wuoga.

Aefeso 2:18

Mana gara hurigohenderwa ni Jesu, ganahenda Ayahudi na atu asiokala Ayahudi aweze kufika kpwa Baba kpwa msada wa iye Roho mmwenga.

Arumi 8:26

Phamwenga na higo, Roho Mtakatifu nkuhuterya katika unyonje wehu, mana tahumanya kuvoya wala hata cho chakumvoya Mlungu. Ela Roho Mtakatifu mwenye nkuhuvoyera kpwa Mlungu na chiriro cha utsungu ambacho tahuweza kuchisemurira.

Mathayo 5:3

“Baha adzimanyao kukala ni agayi a chiroho, mana ufalume wa mlunguni ni wao.

Misemo 15:8

Sadaka za atu ayi ni tsukizo kpwa Mwenyezi Mlungu, ela nkufwahirwa ni mavoyo ga enye haki.

Misemo 10:24

Mutu mui achiogopha dzambo rindamfika, ela ariazaro mwenye haki ndiro ndirohewa.

Zaburi 9:18

Ela agayi taandayalwa siku zosi, na kuluphiro ra achiya tarindaangamika.

2 Nyakati 29:36

Naye Hezekiya na atu osi ahererwa sana kpwa ajili ya gara ambago Mwenyezi Mlungu wahendera hinyo atu na kpwa kukala chila chitu chahendwa mara mwenga.