Zaburi 10:16 - Digo Bible

¹⁶ Mwenyezi Mlungu ni mfalume hata kare na kare, atu a mataifa ganjina andaangamizwa kula kpwenye tsiiye.

Zaburi 10:16 Referans Kwoze

1 Timothi 1:17

Na Mlungu, ambaye ni mfalume wa kare na kare, asiyefwa na asiyeonekana, na ambaye kana myawe, naatogolwe na kuishimiwa hata kare na kare. Amina.

Zaburi 29:10

Mwenyezi Mlungu asegere kpwenye chihi cha endzi dzulu ya mafuriko, Mwenyezi Mlungu asegere kpwenye chihi cha endzi na anatawala hata kare na kare.

Jeremia 10:10

Ela ye Mwenyezi Mlungu ndiye Mlungu wa kpweli, Iye ndiye Mlungu ariye moyo na ndiye mtawala wa kare na kare. Achitsukirwa, tsi nkusumba na mataifa ganjina tagaweza kuvumirira tsukizize.

Danieli 6:26

Ninalavya amuri kukala atu osi kahi ya ufalume wosi naamuogophe Mlungu wa Danieli na akakame mbereze. Mana ni Mlungu ariye moyo na anaishi ta kare na kare, ufalumewe taundabanangbwa, na mamlakage tagana mwisho.

Danieli 4:34

Mwisho wa yo miaka sabaa, mimi Nebukadineza nálola mlunguni, na achili zangu zichiniuyira. Nami nchimtogola iye Ariye Dzulu Zaidi. Námtogola na kumupha ishima iye ariye moyo hata kare na kare. Mana utawalawe tauna mwisho na ufalumewe unadumu kula chivyazi hadi chivyazi.

Zaburi 145:13

Ufalumeo ni wa kare na kare, na utawalao unadumu vivyazi vyosi. Mwenyezi Mlungu ni muaminifu kahi ya gosi arigolaga, na wa mbazi katika gosi ahendago.

Kumbukumbu 8:20

Dza gara mataifa ganjina ambago Mwenyezi Mlungu anagaangamiza mbere zenu, ndivyo ndivyoangamizwa piya mwimwi, ichikala tamundamtii Mwenyezi Mlungu, Mlungu wenu.”

Sonono za Jeremia 5:19

Ela uwe Mwenyezi Mlungu unatawala hata kare na kare. Chihicho cha endzi chinadumu chivyazi hadi chivyazi.

Isaya 33:22

Mwenyezi Mlungu ndiye muamuli wehu na mtawala wehu. Mwenyezi Mlungu ndiye mfalume wehu iye ndiye ndiyehutivya.

Zaburi 146:10

Mwenyezi Mlungu anatawala hata kare na kare. Mlunguo uwe Sayuni ni wa vivyazi vyosi. Haleluya. Mwenyezi Mlungu naatogolwe!

Zaburi 93:1

Mwenyezi Mlungu anatawala na akavwala nguma Mwenyezi Mlungu akavwala nguma na ana nguvu, dunia ikaikpwa imara taindasumba.

Zaburi 78:55

Wazola atu a mataifa ganjina mbere zao, achiaganyira tsi zao zikale urisi wao, achihenda mbari za Iziraeli kahi ya midzi yao.

Zaburi 9:15

Mataifa ganjina gasigommanya Mlungu gakagbwa kpwenye dibwa chiroritsimba enye, mihego yao ikaagbwira enye.

Zaburi 9:5

Ukademurira atu a mataifa ganjina na kuangamiza atu ayi, nao taandatambukirwa hata kare na kare.

Kutsama 15:18

Nawe Mwenyezi Mlungu utawale hata kare na kare!”

1 Nyakati 29:11

Ee Mwenyezi Mlungu, ukulu na uwezo ni wako; nguma, kushinda na endzi ni yako. Mana vitu vyosi virivyo mlunguni na duniani ni vyako. Ee Mwenyezi Mlungu, ufalume ni wako, nawe ukatogolwa, u mkpwulu sana na ndiwe chitswa cha chila chitu.

Zaburi 9:8

Anatawala dunia na haki, na kuamula atu osi bila ubaguzi.