Zaburi 10:11 - Digo Bible

¹¹ Mui nkudziambira mwakpwe rohoni, “Mlungu akayala akaloza usowe kanda, kaona chitu.

Zaburi 10:11 Referans Kwoze

Ezekieli 8:12

Chisha achiniamba, “Mwanadamu, ukaaona nyo atumia a Aiziraeli chivyokala anahenda pho jizani, chila mmwenga kpwenye chumbache cha vizuka? Aho anaamba, ‘Mwenyezi Mlungu kahuona, ihi tsi akairicha.’ ”

Zaburi 94:7

Nao anaamba, “Mwenyezi Mlungu kaona, Mlungu wa Jakobo kamanya.”

Zaburi 73:11

Nao nkuamba, “Mlungu andamanyadze? Dze, Ye Ariye Dzulu Kuriko Vyosi ana marifwa?”

Zaburi 10:6

Nkudziambira mwao mioyoni, “Sindashindwa ngʼo. Sindaphaha tabu ta kare na kare.”

Ezekieli 9:9

Ndipho achiniamba, “Kosa ra atu a Iziraeli na Juda ni kulu sana, mana yo tsi ikaodzala aolagadzi na mudzi mzima tauhenda haki. Mana anaamba, Mwenyezi Mlungu akairicha yo tsi na kaona.

Muhubiri 8:11

Uamuli wa mahendo mai isiphohendwa upesi, moyo wa mwanadamu undakala mairo kuhenda mai.

Zaburi 64:5

Hinyo nkugbwirana katika nia zao mbii, nkubisha kuhusu vira ndivyofwitsa mihego yao, kuno anaaza, “Ni ani ahuonaye?

Luka 7:39

Yuya Mfarisayo yemualika Jesu ariphoona vira, wagomba na rohore, achiamba, “Kala mutu hiyu ni nabii, angemanya ni ani na ni mchetu wa aina yani amgutaye, mana ni mchina-dambi!”

Mariko 2:6

Phahi alimu anjina a Shariya ariokala asegere hipho adziuza mwao mioyoni,

Zaburi 59:8

Ela uwe Mwenyezi Mlungu unaatseka, unaapuuza hinyo atu anjina asiokumanya.

Zaburi 64:6

Ni ani awezaye kuzembula ugaidi wehu? Hukafikiriya njama ya chisawa-sawa.” Mana moyo wa mutu ni tsaka!

Hosea 7:2

Ela taaririkana mwao mioyoni, kukala mahendo gao mai gosi mino nagamanya. Vivi mahendo gao mai gakaazunguluka, nami nagaona.