Zaburi 1:3 - Digo Bible

³ Mutu hiye ni dza muhi uriophandwa kanda-kanda ya vidzuho, ambao nkuvyala matunda kpwa mingaye, na makodzage taganyala. Na chila ahendaro, nkuongokerwa.

Zaburi 1:3 Referans Kwoze

Jeremia 17:8

Iye ni dza muhi uriophandwa kanda-kanda ya madzi, ambao miziye inafika pho muhoni, kandaogopha wakati wa kazikazi, mana makodzage gandaenderera kukala maitsi. Mwaka wa ukame taundaricha kuvyala matunda.

Ezekieli 47:12

Na mo michechemoni mwa nyo muho mundamera mihi ya bazi nyinji ndiyovyala vyakurya. Makodzage tagandanyala na taindakosa kuvyala, ela indavyala matunda maphya chila mwezi kpwa sababu go madzige ganatuluka phatu phatakatifu. Matundage gandakala chakurya na makodzage gandakala dawa.”

Zaburi 92:14

Andaenderera kuvyala matunda hata ukareni chila wakati indakala mitsanga-mitsanga na yenye nguvu.

Johana 15:6

Mutu asiyegbwirana nami, ni dza panda yokatwa ichiuma. Panda dza hizo nkutsolwa-tsolwa zikapigbwa iyi, chisha zikatiywa moho.

Ezekieli 19:10

Mayoo kala ni dza mzabibu kahi za munda wa mizabibu uriophandwa kanda-kanda ya madzi, uriovyala sana na uchikala na panda nyinji kpwa sababu ya madzi manji.

Mwandzo 39:23

Mkpwulu wa jela kala kadzishuulisha na chitu chochosi ambacho kala chi tsini ya Yusufu, kpwa sababu Mwenyezi Mlungu kala a phamwenga naye, na chila arihendaro kala rinaongokerwa.

Maono 22:2

Muho wenye kala unajera kahi-kahi ya yo barabara kulu ya nyo mudzi. Chila uphande wa muho kala phana muhi urehao uzima ambao kala unavyala mara mwenga kpwa mwezi, kpwa hivyo kpwa mwaka kala unavyala kano kumi na mbiri. Makodza ga muhi hinyo ganahumirwa kama dawa ya kuphoza atu a makabila gosi.

Ezekieli 17:8

dzagbwe kala ukaphandwa kare kpwenye mtsanga wa rutuba na kuphaha madzi ga kukola ili utsephule panda, uvyale matunda na ukale mzabibu mnono.’

Mathayo 13:6

Ela kuriphokala na dzuwa kali, hira mimea yanyala, ichifwa kpwa vira miziye kala i dzulu-dzulu.

2 Nyakati 31:21

Naye Hezekiya waongokerwa sana kpwa sababu chila chitu arichohenda ariphokala mfalume, kpwandzira kazi ariyohenda kpwenye Nyumba ya kuvoya Mlungu, kulunga shariya na amuri, na vira arivyomuendza Mlungu wahenda moyo kutsuka.

Mwandzo 39:3

Potifa wamanya kukala Mwenyezi Mlungu a phamwenga na Yusufu na nkumuhenda afwanikiwe kahi za chila ahendaro.

Zaburi 128:2

Andarya matunda ga kazi za mikonoye, andakala na raha, na mamboge gandamphihirato.

Isaya 3:10

Aambire hinyo enye haki kukala mambo gao gandaaphihirato, mana andarya matunda ga mahendo gao.

Isaya 44:4

Chivyazicho chindatsephula dza nyasi phatu phenye madzi, chindatsephula dza miandzi kanda-kanda ya vidzuho.

Ayubu 14:9

ela uchiphaha mzizimo wa madzi, nkutsephula dza muhi mtsanga.

Mathayo 21:34

Wakati wa kuvuna zabibu uriphofika, yuya mchina-munda wahuma atumishie aphiye kpwa hara akurima ariokodisha mundawe, ili akahewe fungure ra mavuno.

Mathayo 21:19

Waona muhi uihwao mtini kanda-kanda ya njira, achiaphuka kpwendalola tini, ela kayakuta chochosi ela makodza mahuphu. Alafu waulani hura muhi achiamba, “Kundavyala tsona bii!” Na phapho hipho hinyo muhi wanyala uchiuma.

Juda 1:12

Atu hinya nkusherekeya karamu za Bwana Jesu na mwimwi, ela ni dza madowa machafu mana nkudzimanya enye bahi, wala taana haya. Ni dza maingu gasukumwago ni phuto gasigo na ishara ya mvula. Ni dza mihi isiyovyala matunda wakatiwe uchifika; mihi ambayo yafwa kamare mana yangʼolwa na miziye.

Isaya 27:11

Pandaze ndizouma zindavundzwa, achetu andazihala azihende kuni. Kpwa kpweli atu hano taaelewa, kpwa hivyo muumba wao kandaaonera mbazi wala kuaswamehe.

Mathayo 21:41

Hara atu achimuamba, “Andaaolaga hara atu ayi, na hinyo munda aukodishe akurima anjina ambao andamupha fungure wakati wa kuvuna.”

1 Nyakati 22:11

Sambi mwanangu, Mwenyezi Mlungu na akale phamwenga nawe, ili ufwaulu kuidzenga Nyumba ya kuvoya Mlungu, Mlunguo dza arivyoamba undahenda.

Zaburi 129:8

Hinyo anaotsupa na njira taandaamba, “Baraka za Mwenyezi Mlungu nazikale phamwenga nawe! Hunakubariki kpwa dzina ra Mwenyezi Mlungu!”

2 Nyakati 32:23

Hangu siku iyo atu anji areha zawadi Jerusalemu kpwa Mwenyezi Mlungu na vitu vya bei gali kpwa mfalume Hezekiya wa Juda. Kula hipho mataifa ganjina gosi gamuishimu mfalume Hezekiya.

Isabu 24:6

Gakagota dza madete, dza minda iriyo kanda-kanda ya muho, dza mihi mire iriyophandwa ni Mwenyezi Mlungu, dza mierezi iriyophandwa kanda-kanda ya madzi.

Kumbukumbu 28:8

“Baraka za Mwenyezi Mlungu zindakala mwenye vitsaga vya mtsere na kpwenye shuuli zenu zosi. Mwenyezi Mlungu andakubarikini kpwenye tsi ambayo anakuphani.

2 Afalume 18:7

Phahi, Mwenyezi Mlungu wakala phamwenga naye, chila arikophiya waongokerwa. Wamuasi mfalume wa Ashuru na achikahala kumuhumikira.

1 Nyakati 22:13

Uchilunga shariya na uamuli ambao Mwenyezi Mlungu walagiza Musa kpwa ajili ya Iziraeli kpwa makini, undangʼarirwa. Dina chilume na ukale jasiri, usiogophe wala usivundzike moyo.

Ayubu 22:28

Chila ndichoamuwa kuchihenda chindaongokerwa, na mwanga undangʼarira njirazo.

Zaburi 92:15

Vivi vinaonyesa kukala Mwenyezi Mlungu ni mkamilifu, iye ni mwamba wangu na ndaniye tamuna uyi.

Isaya 58:11

Naye Mwenyezi Mlungu andakulongoza siku zosi, na kutosheleza mahitaji kahi ya tsi kavu, na kuitiya nguvu mifuphayo, nawe undakala dza munda wenye madzi, na dza chisima sichouma madzi.

Ezekieli 31:5

Phahi wakala mure kuriko mihi yosi ya tsakani; pandaze zichikula zichikala kulu na ndziho pandaze zichikala nyire kpwa sababu miziye kala inanwa madzi manji.