Sonono za Jeremia 2:18 - Digo Bible

¹⁸ Mioyo ya atu inamririra Mwenyezi Mlungu. Uwe ukuta wa mwana mchetu wa Sayuni, richa matsozigo gajere usiku na mutsi dza muho. Usioye tse, matsogo nagasiriche kulavya matsozi.

Sonono za Jeremia 2:18 Referans Kwoze

Zaburi 119:145

Naiha na moyo wangu wosi, nijibu ee Mwenyezi Mlungu, nami ndalunga shariyazo.

Sonono za Jeremia 2:8

Mwenyezi Mlungu wakata shauri kubomola ukuta wa mwana mchetu wa Sayuni. Iye wahumira mkpwowa wa kupimira naye kayausa mkpwonowe wakati anabomola. Wahenda nyo ukuta wa kondze na wa ndani usononeke, zosi mbiri zabomolwa phamwenga.

Sonono za Jeremia 1:16

Ndiyo mana ninarira, namwagikpwa ni matsozi mana wa kuniphoza marenda a kure nami, takuna wa kunitiya moyo. Anangu akarichwa a weche, mana adui akaniturya.”

Jeremia 9:1

Naaza kala chitswa changu chingekala dza chisima cha madzi na matso gangu gakakala chemichemi ya matsozi, ningesinda na kuchesa kurira kpwa sababu ya atu angu achioolagbwa!

Zaburi 119:136

Matsozi gananimwagika kpwa vira ambavyo shariyazo tazigbwirwa.

Habakuki 2:11

Mana hata higo mawe ga kuta gandatangaza kukala u mkosa na maphalu nago gandakubaliana nago.

Hosea 7:14

Taaniririra kula mwao mioyoni, ela anamwagikpwa ni matsozi mwao vitandani, anadzikata-kata wakati anavoya milungu ya chijeni ili aphahe mtsere na uchi muphya nao akanilozera kogo.

Sonono za Jeremia 1:2

Iye nkurira sana wakati wa usiku, matsozi gakajera mwakpwe mafundani. Kahi ya azembee osi taphana wa kumphoza marenda, asenae osi amsalata, aho akakala maaduige.

Jeremia 14:17

Aambire hivi, ‘Richa nimwagikpwe ni matsozi usiku na mutsi, bila ya kusira, mana mwanamwali, yani atu angu akalumizwa vibaya, akapigbwa pigo risiropigbwa mutu.

Jeremia 13:17

Ela ichikala tamundaphundza, roho yangu indarira chisiri-siri kpwa sababu ya ngulu zenu, nindarira kpwa utsungu na kumwagikpwa ni matsozi, mana mangʼondzi ga Mwenyezi Mlungu gakahalwa mateka.

Jeremia 4:31

Mana nasikira kululu za mchetu ariye na utsungu, kululu za mchetu avyalaye mwanawe wa kpwandza, chiriro cha msichana wa Sayuni asohaye kpwa tabu, agolosaye mikonoye kuno anaamba, “Shaka rangu mimi! Nafwa purungire mbere za aolagadzi.”