Sonono za Jeremia 2:16 - Digo Bible

¹⁶ Maaduigo gosi gananahula kanwa zao chinyumecho, ana kubera na kusaga meno na kuamba, “Hukamuolaga! Hino ndiyo siku ambayo kala hunaigodzera vino hukaiona!”

Sonono za Jeremia 2:16 Referans Kwoze

Zaburi 35:21

Anamaka anaamba: “Aa! Aa! Hukamuona enye na matso gehu!”

Sonono za Jeremia 3:46

Maadui gehu gosi ganagomba maneno ga kuhunyetera.

Zaburi 56:2

Aviha angu ananizoresa mutsi wosi, hinyo anaoheha nami kpwa kudzikarya ni anji sana.

Zaburi 37:12

Mutu ahendaye mai nkumpangira njama mbii mutu wa haki na kumkundzira uso kpwa kummena.

Jeremia 51:34

“Nebukadineza, mfalume wa Babeli akahumiza, na akahufyondza asisaze chitu. Iye akahuricha chihuphu bila chitu, iye akahumiza dza dzoka na kuodzaza ndaniye na vinono vyehu na badaye akahuaphika.

Zaburi 124:3

phahi angehumiza wakati huchere moyo, wakati kala akahutsukirirwa,

Zaburi 35:16

Aenderera kuninyetera na kunikundzira sura kpwa usiru.

Zaburi 22:13

Maadui gangu gakafwenula kanwa zao chinyume changu, dza simba angurumao wakati anamwamula-mwamula nyama.

Mahendo 7:54

Hara angambi ariphosikira hivyo, atsukirwa sana, achiphya roho kpwa utsungu.

Hosea 8:8

Atu a Iziraeli andamizwa ni mataifa ganjina, aho ni chitu sicho mana dza chidzaya.

Ezekieli 36:3

Phahi lavya unabii uambe, ‘Mwenyezi Mlungu anaamba hivi: Kpwa kukala amuhenda mkale wekee bila atu na kuazulumu chila uphande, ili mkale mali ya mataifa ganjina na mkale atu a kugombwa vii na kuocherwa ngulu,

Ezekieli 25:15

“ ‘Mwenyezi Mlungu anaamba hivi: Kpwa kukala Afilisti ahenda mambo na chisasi, ariphiza Juda chijaili, na achiyiangamiza kpwa uadui wa kare,

Ezekieli 25:6

Mana Mwenyezi Mlungu anaamba hivi: Kpwa sababu mwapiga makofi na mchipiga mawala kpwa kuhererwa na kpwa mioyo yenu mii chinyume cha Iziraeli,

Ezekieli 25:3

Aambire, ‘Phundzani neno ra Mwenyezi Mlungu. Mwenyezi Mlungu anaamba hivi: Kpwa sababu mwafwahirwa, wakati phatu phangu phatakatifu phariphotiywa najisi, wakati tsi ya Iziraeli iriphorichwa wekee bila atu na atu a Juda ariphohalwa mateka,

Jeremia 50:17

“Atu a Iziraeli ni dza mangʼondzi gachigoondoswa ni simba. Wa mwandzo kuavamia kala ni mfalume wa Ashuru, na wa mwisho kuvundza mifupha yao ni Nebukadineza, mfalume wa Babeli.

Jeremia 50:7

Osi ariogaona agavamia achigarya, na maadui gao aamba, ‘Tahuna makosa, mana gamuhendera dambi Mwenyezi Mlungu, ambaye ndiye makalo gao, ye Mwenyezi Mlungu ambaye ndiye kuluphiro ra akare ao.’

Isaya 49:19

Dzagbwe wabanangbwa na kuhendwa gandzo, undaodzala atu hadi ukale kutosha, na nyo ariokubananga andakala kure.

Zaburi 112:10

Mutu mui achiona mwenye haki anaongokerwa nkutsukirwa, nkusaga meno na kuangamika, mipango ya mutu mui taikala.

Zaburi 109:2

mana kanwa za atu ayi na a handzo zinanishambuliya, zinagomba maneno ga handzo chinyume changu.

Zaburi 57:3

Andanihumira msada kula mlunguni na kunitivya, andaatiya waibu hinyo anaonishambuliya. Mlungu andanionyesa mendzwaye isiyosika na uaminifuwe.

Zaburi 41:8

anaamba, “Akagbwirwa ni ukongo mui sana, kandaunuka tsona phakpwe chitandani.”

Zaburi 35:25

Usiariche akadziamba chimoyo-moyo: Hukaphaha go huchigolonda au aambe: “Hukamkomesa!”

Jeremia 29:18

Nindaazoresa na upanga, ndzala na makongo na akale utu wa kuogofya kpwa mataifa gosi duniani, ndzimo ya kulanira, utu wa kuangalaza, wa kuberwa na kuzemererwa ni mataifa gosi kosi ambako náaphirika.

Jeremia 26:6

phahi ndahenda nyumba ihi dza Shilo na kuuhenda mudzi uhu uhendwe ndzimo ya kulanira ni mataifa ganjina gosi ga dunia ndzima.’ ”

Sonono za Jeremia 1:21

Aho akasikira vyo niulavyo, taphana wa kuniphoza marenda maadui gangu gosi gakasikira kuhusu mashaka gangu, aho akahamirwa ni kukala ukanihenda hivyo. Rehe yo siku uriyotangaza, uahende dza vyo urivyonihenda.

Ezekieli 5:15

Undakala utu wa kuberwa na wa kutsekpwa; undakala fundzo na dzogofyo kpwa atu a mataifa ganjina ganago kuzunguluka wakati nakutiya adabu kpwa tsukizi na hasira zangu kali, mimi Mwenyezi Mlungu nkaamba.

Ezekieli 23:32

Mwenyezi Mlungu anaamba hivi: ‘Undanwa chikombe cha nduguyo, chikombe chikulu chiricho na china. Undatsekpwa na kuberwa, mana chikaodzala sana.

Mika 4:11

Vivi mataifa ganjina manji gakakusanyika chinyume na uwe. Ganaamba, “Mriche atiywe najisi, matso gehu nagafwaidi kuona Sayuni ichibanangbwa!”