Sonono za Jeremia 2:13 - Digo Bible

¹³ Nigombeni kukuhusu? Nikulinganishe na chitu chani, uwe mwana mchetu wa Jerusalemu? Nikulinganishe na utu wani, ili niweze kukuphoza marenda, we mwanamwali, mwana mchetu wa Sayuni? Mana chirondacho china chivwa dza cha bahari. Ni ani awezaye kukuphoza?

Sonono za Jeremia 2:13 Referans Kwoze

Sonono za Jeremia 1:12

“Kale tamuona kusononeka kpwangu mwi mosi mtsupao? Lolani na muone ichikala kuna mwenye sonono dza sonono yangu ambayo Mwenyezi Mlungu wanirehera, ariphonigayisa yo siku ya tsukizize nyinji.

Jeremia 14:17

Aambire hivi, ‘Richa nimwagikpwe ni matsozi usiku na mutsi, bila ya kusira, mana mwanamwali, yani atu angu akalumizwa vibaya, akapigbwa pigo risiropigbwa mutu.

Jeremia 8:22

Dze, takuna dawa za mavune ko Giliadi? Dze, takuna mgbwanga ko? Kpwa utu wani atu angu taadzangbwephola?

2 Samueli 5:20

Phahi Daudi waphiya hadi Baali-Perasimu, achendaashindira hiko, na achiamba, “Mwenyezi Mlungu akafurikira maadui gangu mbere zangu dza mafuriko ga madzi.” Kpwa hivyo phatu phapho phaihwa Baali-Perasimu.

Danieli 9:12

Uwe wahuhendera gara maneno urigogomba chinyume chehu na chinyume cha atawala ehu. Nako takudzangbwehendeka mashaka makulu dza garigohendeka Jerusalemu.

Isaya 37:22

riri ndiro neno arirogomba Mwenyezi Mlungu kumuhusu iye: ‘Ye mwanamwali wa Sayuni, anakubera na kukunyetera, Ye msichana wa Jerusalemu, anasukasuka chitswache nyumazo wakati unachimbira.

Zaburi 60:2

Uwe ukaihenda tsi isumbe na ukaiahula, izibe chikoahuka mana inabomoka.

2 Afalume 19:21

Riri ndiro neno arirogomba Mwenyezi Mlungu kumuhusu iye, ‘Ye mwanamwali wa Sayuni, anakubera na kukunyetera. Ye msichana wa Jerusalemu, anasukasuka chitswache nyumazo wakati unachimbira.

Jeremia 9:18

Naahende wangbwi edze ahusononekere ili matso gehu gatuluze matsozi na madzi gandatuluka kula mwehu matsoni.

Jeremia 14:19

Dze, Juda ukarema tsetsetse? Dze, moyoo ukatsukizwa ni Sayuni? Kpwa utu wani ukahupiga vino hata tahuweza kuphola? Hwatazamiya amani, ela tahuyionere, hwatazamiya kuphola, badalaye hwaphaha vitisho.

Ezekieli 32:31

“Farao na jeshire rosi ndiphoaona andafarijika, kukala si jeshire kulu bahi ririoolagbwa na upanga, Mwenyezi Mlungu anaamba.