Sonono za Jeremia 1:18 - Digo Bible

¹⁸ “Mwenyezi Mlungu ni wa haki, mana nkakala wa kuasi nenore, ela phundzani mwimwi mataifa, lolani kugaya kpwangu. Ahana angu na asichana angu akahalwa mateka.

Sonono za Jeremia 1:18 Referans Kwoze

Zefania 3:5

Ela Mwenyezi Mlungu ariye himo mudzini ni wa haki, iye kahenda dzambo rorosi iyi. Chila ligundzu kashindwa kulavya uamuli wa haki, ela asio a haki taaona waibu hata chidide.

Zaburi 119:75

Namanya, ee Mwenyezi Mlungu, kukala hukumuzo ni za haki na kukala ukanitiya adabu kulengana na uaminifuo.

Sonono za Jeremia 1:12

“Kale tamuona kusononeka kpwangu mwi mosi mtsupao? Lolani na muone ichikala kuna mwenye sonono dza sonono yangu ambayo Mwenyezi Mlungu wanirehera, ariphonigayisa yo siku ya tsukizize nyinji.

Jeremia 12:1

Ee Mwenyezi Mlungu, uwe u wa haki, wakati nkulalamikirapho, ela nalonda nikuuze kuhusu hakiyo: Kpwa utu wani atu ayi nkuongokerwa? Kpwa utu wani atu ayi nkuishi vinono?

Sonono za Jeremia 3:42

“Hukakosera na kukuasi, nawe kukahuswamehe.

Zaburi 107:11

Mana arema kugbwira maneno ga Mlungu, tsona abera wasiya wa Iye Ariye Dzulu Kuriko Vyosi.

Nehemia 9:33

Kahi ya gosi garigohuphaha uwe u wa haki mana wahenda uaminifu, ela swino huchihenda mai.

Arumi 3:19

Kufikira hipho hunaona kukala hizo Shariya, zichigomba utu wowosi, zinaambira atu osi azilungao. Nazo zaikpwa ili Mlungu ndiphoamula dunia, anadamu asikale na sababu ya kudzihehera, na ionekane wazi kukala atu osi ana makosa mbere za Mlungu.

Arumi 2:5

Ela kpwa sababu u chisoto na kukubali kukala una dambi, unadziikira adabu kali wakati uamuli wa haki ya Mlungu ndiphokala wazi.

Danieli 9:7

Kpwako uwe Mwenyezi Mlungu kuna haki, ela swiswi hukudzitiya enye waibu. Dzambo riri ni ra kpweli kuhusu swiswi huishio Juda na Jerusalemu phamwenga na Aiziraeli osi urioazola kuphiya tsi za phephi na za kure kpwa kukala tahukarire aaminifu kpwako.

Jeremia 49:12

Mwenyezi Mlungu anaamba, “Ichikala nyo ariokala taafwaha kunwa chikombe cha tsukizi zangu achinwa, dze, we undaepuka kutiywa adabu? Uwe kundarichwa, ela ni unwe chikombe cha tsukizi zangu.

Zaburi 145:17

Mwenyezi Mlungu ni wa haki kahi ya njiraze zosi, na ni wa mbazi kahi ya mahendoge gosi.

Nehemia 9:26

“Ela taayakusikira bii, achikuasi na achiricha shariyazo na achiolaga manabiigo gokala ganaakanya ili akuuyire uwe. Ahenda kufuru kulu.

Ezira 9:13

“Gaga gachigohuphaha ni kpwa sababu ya mahendo gehu mai na makosa gehu, alafu Mlungu wehu, adabu uriyohupha ni ndide kulengana na go makosa gehu garivyofwaha kutiywa adabu, chisha ukahusaza.

1 Afalume 13:21

naye wamririra yuya mutu wa Mlungu kula Juda achimuamba, “Mwenyezi Mlungu anaamba hivi: ‘Kpwa kukala ukaasi neno ra Mwenyezi Mlungu nawe kukalunga lagizo Mwenyezi Mlungu, Mlunguo arirokupha,

1 Samueli 15:23

Mana kusatii Mwenyezi Mlungu ni dza dambi ya kupiga mburuga, na kusamuogopha Mwenyezi Mlungu ni dza kuvoya vizuka. Na kpwa kukala ukarirema neno ra Mwenyezi Mlungu, Iye naye akakurema usikale mfalume.”

Aamuli 1:7

Adoni-Bezeki achiamba, “Afalume mirongo sabaa ambao kala akaakata madzalagumbe ga mikononi na maguluni kala achitsola pukupuku zitsopokazo photsi. Vivi Mlungu akaniripha kama vyohenda.” Achimphirika Jerusalemu na achendafwa kuko.

Kumbukumbu 32:4

Iye ndiye Mwamba, kazize ni kamilifu, njiraze zosi ni za haki. Iye ni Mlungu muaminifu asiyekala na kosa, Iye anahenda mambo ga sawa na ga haki.

Kutsama 9:27

Phahi Farao walagiza Musa na Aruni aihwe na achedzaambira, “Charo hichi nkahenda dambi. Mwenyezi Mlungu ana haki ela mimi na atu angu huna makosa.

Zaburi 119:137

Ee Mwenyezi Mlungu, Uwe u wa haki, na uamulio ni wa sawa.

Jeremia 4:17

Dza viratu arindzi azungulukavyo munda, ndivyo ndivyozangirwa mana mkanirema, mimi Mwenyezi Mlungu nkaamba.

Jeremia 32:23

Aho achiyiinjira achiihenda yao. Ela taayaogopha sautiyo au kugbwira shariyayo, aho taahendere urivyoalagiza ahende. Ndiyo mana uchiarehera mashaka higa gosi.

Danieli 9:5

Swiswi hukahenda dambi na hukakukosera. Hukakuhendera mai na hukakuasi. Hukavundza amurizo na shariyazo.

Amosi 8:13

Siku iyo asichana anono na barobaro enye mkpwotse andafwa purungire kpwa chiru.

Sonono za Jeremia 5:16

Tadzi ya chifalume ikagbwa kula chitswani phehu, ni shauri yehu mana hukahenda dambi.

Zakariya 1:6

Nyo akare enu taayagaphaha go maneno na malagizo gangu goalagiza atumishi angu manabii? Nao atubu achiamba, ‘Mwenyezi Mlungu, Mlungu wa majeshi akauhendera kulengana na njira zehu na mahendo gehu dza vyo arivyopanga.’ ”