Sonono za Jeremia 1:15 - Digo Bible

¹⁵ Mwenyezi Mlungu waarema masujaa osi ariokala kahi yangu, waiha mkpwutano chinyume changu ili aapige ahana angu. Mwenyezi Mlungu akamvyoga-vyoga ye mwanamwali, mwana mchetu wa Juda, dza zabibu zivyogbwavyo.

Sonono za Jeremia 1:15 Referans Kwoze

Malaki 4:3

Mwenyezi Mlungu, Mlungu wa majeshi anaamba, “Siku ntakaphotimiza higo nchigogapanga, mundavyoga-vyoga ayi dza mvyogavyo vumbi tsini ya nyayo zenu.”

Isaya 63:3

“Návyoga-vyoga atu a mataifa machiyangu dza mutu aminyaye zabibu, taphana mutu ariyekpwedza kuniterya. Kpwa tsukizi zangu siru, náavyoga-vyoga milatso yao ichitsiririkira mavwazi gangu, ichitiya madowa nguwo zangu.

Isaya 28:18

Chilagane chenu mrichoika na chifo, chindavundzwa na kuphahana kpwenu na kuzimu, kundafutwa. Shaka kulu ndirokpwedza rindakuphahani rikubwageni.

Maono 19:15

Mwakpwe kanwani mwatuluka upanga wa kurya sana. Andauhumira kushinda mataifa gosi duniani naye andagatawala na uwezo mkpwulu. Tsona aminye uchi mufu wa tsukizi za Mlungu Mwenye Nguvu Zosi.

Aeburania 10:29

Ela ririkanani dzulu ya mutu ariyemʼbera Mwana wa Mlungu. Adabuye indakaladze? Tsona, indakaladze kpwa yuya anayeona milatsoye ya chilagane cha Mlungu iriyomtakasa hata iye si chitu? Na dze! Yuya ariyemlaphiza Roho Mtakatifu aaoneraye mbazi atue? Hakika adabu yao indakala kulu na kali zaidi.

Luka 21:24

Atu anjina andaolagbwa vihani na anjina andahalwa mateka kuphirikpwa tsi tafwauti-tafwauti duniani. Jerusalemu indatekpwa na itawalwe ni atu ambao sio Ayahudi hadi wakati wao ndiphosira.”

Mika 7:10

Adui wangu ariyeniamba “Akuphi ye Mwenyezi Mlungu, Mlunguo?” Andaona higa na agbwirwe ni haya. Ndamuona na matso gangu ndivyogbwa, na kuvyogbwa-vyogbwa photsi dza tope njirani.

Danieli 3:13

Ndipho Nebukadineza achitsukirwa sana achilagiza Shediraka, Meshaki na Abedinego arehwe mbereze. Phahi atu aha arehwa mbere za mfalume.

Sonono za Jeremia 3:34

Afungbwa osi a tsi anaphovyogbwa-vyogbwa,

Jeremia 51:34

“Nebukadineza, mfalume wa Babeli akahumiza, na akahufyondza asisaze chitu. Iye akahuricha chihuphu bila chitu, iye akahumiza dza dzoka na kuodzaza ndaniye na vinono vyehu na badaye akahuaphika.

Jeremia 50:26

Ndzoni kula chila uphande muivamie, vugulani vitsagavye. Muikeni phamwenga dza ndulu ya mtsere na mumuangamize tsetsetse, msisaze chochosi.

Jeremia 37:10

Na hata mchiturya jeshi rosi ra Babeli munaropigana naro hata asale achiolumizwa bahi mwao mahemani, aho andaunuka edze aoche mudzi uhu.’ ”

Jeremia 18:21

Kpwa hivyo ariche ana aho ahirike na ndzala, ariche afwe vihani kpwa upanga. Achetu aho naakale bila ana na magungu Alume aho afwe kpwa makongo mai-mai, na ana aho barobaro atsindzwe na upanga vihani.

Jeremia 14:17

Aambire hivi, ‘Richa nimwagikpwe ni matsozi usiku na mutsi, bila ya kusira, mana mwanamwali, yani atu angu akalumizwa vibaya, akapigbwa pigo risiropigbwa mutu.

Isaya 41:2

Ni ani ariyeunula mfalume kula mlairo wa dzuwa, mutu ambaye anaturya chila aphiyako? Iye nkutiya mataifa ganjina mwakpwe mikononi, na kuavyoga-vyoga afalume. Nkuahenda akale vumbi kpwa upangawe, na kpwa uhawe nkuahenda akale dza wiswa uchiophepheruswa.

Isaya 5:5

Sambi ndakuambirani vira ndivyouhenda huno munda wangu wa mizabibu. Ndawuusira lichigo umenyererwe. Ndabomola kutaze uvyogbwe-vyogbwe.

Zaburi 119:118

Uwe ukuarema osi arichao kulunga shariyazo, mana likakado rao ni ra bure.

2 Afalume 9:33

naye Jehu waambira; “Mtsupheni photsi!” Amtsupha photsi na mlatsowe uchitapakaa dzulu ya ukuta na kpwenye farasi. Jehu achitsupiza farasi na garire dzulu ya lufure

Aamuli 10:8

Mwaka uho bada ya chifo cha Jairi, Iziraeli ateswa na kuonerwa ni go mataifa mairi. Aho, kpwa miaka kumi na minane, aaonera Aiziraeli osi ariosagala ngʼambo ya muho Joridani hiko Giliadi. Tsi iyo yokala mlairo wa dzuwa wa muho Joridani, seemu yokala ya Aamori.

Kumbukumbu 28:33

“Taifa usirorimanya rindahala mavuno gosi ga tsiiyo na matunda ga jashoro nawe undaonerwa na kuteswa siku zosi.

Jeremia 6:11

Ndiyo mana ni tele tsukizi za Mwenyezi Mlungu, nikaremwa kuzizuwiya. Mwenyezi Mlungu achiamba, “Zimwagire nyo anache mo njirani, na kpwa nyo mkusanyiko wa barobaro, pharipho na mlume wa mutu na mkpwaza mutu, osi andahalwa, atumia piya andahalwa.

Jeremia 13:24

Nindakutsamusani dza wiswa uphepheruswavyo ni phuto kula jangbwani.

Joeli 3:13

Haya, akateni-kateni dza mutu atsengaye nganu. Avyogeni-vyogeni dza mutu aminyaye zabibu, mana pho phatu pha kuminyira phaodzala hata phanafurika mana uyi wao ni munji sana.

Sonono za Jeremia 2:21

Miri ya avyere kpwa adide irere photsi barabarani; ahana angu na asichana angu akagbwa kpwa upanga. Uwe waaolaga wakati wa tsukizizo, waatsindza bila mbazi.