Sonono za Jeremia 1:13 - Digo Bible

¹³ Iye wahuma mwangu mifuphani moho kula dzulu, nao unaniocha. Wahandika nyavu anigbwire magulu, aniuyize nyuma. Waniricha machiyangu, mnyonje siku yosi.

Sonono za Jeremia 1:13 Referans Kwoze

Habakuki 3:16

Niriphosikira, naahukpwa ni roho, madomo gangu gachikakama kpwa hinyo msindo. Mwiri wangu uchirejera, magulu gangu gachigbwirwa ni mchecheta. Ela nindahurira nigodze kpwa kuvumirira iyo siku ya mashaka ambayo indaedzera hara anaohuvamia.

Ayubu 30:30

Ngozi yangu inakala nyiru na inayuka, na mwiri wangu unaphya na dzoho ra homa.

Ezekieli 17:20

Nindamtsuphira nyavu yangu naye andagbwirwa ni muhambo wangu. Nindamphirika Babeli nkamuamule kuko kpwa kusakala muaminifu kpwangu.

Zaburi 22:14

Mwiri wangu ukasirirwa ni nguvu, mifupha yangu yosi ikateguka. Nkakata tamaa, moyo wangu ukatsatsamuka avi ni mshumaa uakao.

Ayubu 19:6

Manyani kukala Mlungu akanihendera makosa, na kunigbwira na nyavuye.

Aeburania 12:29

Mana Mlungu wehu ni dza moho uochao tsetsetse!

Nahumu 1:6

Ni ani awezaye kushindana na tsukizize? Ni ani awezaye kuvumirira usiruwe? Nkumwaga tsukizize kali dza moho, na nkuhenda myamba ikaahuka vipande-vipande.

Ezekieli 12:13

Nami nindatandaza nyavu yangu dzuluye naye andagbwirwa ni muhego wangu. Nindamphirika mudzi wa Babeli, urio tsi ya Akalidayo wala kandauona na andafwa kuko.

Zaburi 66:11

Ukahuricha ugbwirwe na chimia, ukahuhenda huphahe tabu.

2 Athesalonike 1:8

Andakpwedza na jimbijimbi ra moho, edze atiye adabu hara asioogopha Mlungu, na atu aremao habari nono kuhusu Bwana wehu Jesu Muokoli.

Hosea 7:12

Wakati anaphiya, nindaahegera nyavu, niagbwire dza nyama a mapha. Nindaatiya adabu kpwa mahendo gao mai.

Ezekieli 32:3

“ ‘Mwenyezi Mlungu anaamba hivi: Ndakutsuphira nyavu yangu kahi-kahi ya atu anji, nao andakuvweha na nyavu yangu.

Sonono za Jeremia 5:17

Kpwa sababu iyo, mioyo yehu ni minyonje, kpwa utu uho matso gehu tagaonato,

Sonono za Jeremia 1:22

Uyi wao wosi nawedze mberezo atiye adabu dza urivyonitiya adabu kpwa sababu ya dambi zangu mana kuula kpwangu ni kunji nami nikafwa moyo.”

Jeremia 44:6

Kpwa hivyo nchiatsukirirwa sana na tsukizi zangu zichiaka dza moho kpwenye midzi ya Juda na barabara za Jerusalemu, nazo zichikala madzala na magandzo hadi rero.

Isaya 42:17

Ela akuluphirao vizuka vya kutsongbwa, na kuviambira vizuka vya vyuma, ‘Mwimwi ndimwi milungu yehu,’ aho andakahalwa na kutiywa waibu sana.”

Zaburi 129:5

Osi amenao Sayuni naatiywe waibu na auyizwe nyuma!

Zaburi 35:4

Hinyo anaolonda kuniolaga naashindwe na agbwirwe ni waibu. Hinyo anaonipangira mai auyize nyuma na aogofyerwe.

Zaburi 31:10

Maisha gangu gakasira kpwa sonono na miaka yangu inaphunguka kpwa kuula sina mkpwotse kpwa sababu ya tabu hata mifupha yangu ikakala minyonje.

Ayubu 18:8

Mana akahegbwa ni maguluge mwenye, naye ndiphonyendeka andagbwa dibwani.

Kumbukumbu 28:65

Wala kundakala na raha yoyosi wala phatu pha kuoya kahi ya mataifa higo. Ela Mwenyezi Mlungu andakupha wasiwasi wa moyo, kukotseka kpwa matso na kukosa matumaini.

Zaburi 38:8

Nkalela na kuvundzika moyo ninaula kpwa sonono ya moyo.

Zaburi 140:5

Atu a kudzikarya akanihegera mihego akanihegera chimia na kowa akanihegera mihego mwangu njirani.

Kutsama 12:9

Chisha nyama zizo msizirye mbitsi wala za kujita, ela ni lazima ziochwe zosi phamwenga na chitswa, marondo na vya ndani.

Sonono za Jeremia 3:11

Iye wanivwamukira ko njirani na achinimwamula vipande-vipande na achiniricha bila msada.