Ruthi 1:20 - Digo Bible

²⁰ Achiamba, “Msiniihe Naomi, niihani Mara, mana Mwenye Nguvu Zosi akahenda maisha gangu gakale utsungu.

Ruthi 1:20 Referans Kwoze

Ayubu 6:4

Mana nikalatswa ni iye Mwenye Nguvu Zosi, roho yangu ikakola yo sumuye Mlungu akapanga vitishovye chinyume changu.

Aeburania 12:11

Takuna adabu mtiywayo ikafurahisha wakati inahendeka, ela inasononesa. Ela hara atiywao adabu na akasikira, nkuafundza kukala na maisha ga haki.

Isaya 38:13

Náririra msada hadi ligundzu, ela wavundza mifupha yangu yosi dza simba; naye kala ananimarigiza chila siku.

Zaburi 88:15

Nágaya hangu wanache wangu, nágaya karibu kufwa. Unanitishira hata ninakakama kpwa chiwewe, nami nkakata tamaa!

Zaburi 73:14

Mana nateseka dii yosi na chila ligundzu natiywa adabu.

Ayubu 19:6

Manyani kukala Mlungu akanihendera makosa, na kunigbwira na nyavuye.

Ayubu 5:17

Lola, waajaliwa iye atiywaye adabu ni Mlungu, kpwa hivyo usireme kutiywa adabu ni ye Mwenye Nguvu Zosi.

Ayubu 11:7

Dze, we unaweza kumanya siri za Mlungu? Au kumanya mwisho wa iye Mwenye Nguvu Zosi?

Kutsama 6:3

Námtsembukira Burahimu, Isaka na Jakobo dza Mlungu Mwenye Nguvu Zosi, ela siamanyisire dzina rangu ra Mwenyezi Mlungu.

Mwandzo 43:14

Mlungu Mwenye Nguvu Zosi naamuhende hiye akuonereni mbazi ili amrichire Benjamini na hiye mwenenu wenu wanjina muuye nao kaya. Ichikala naandikirwa anangu aangamike, haya, naangamike, taphana neno.”

Mwandzo 17:1

Buramu ariphokala ana miaka mirongo tisiya na tisiya, Mwenyezi Mlungu wamtsembukira tsona na achimuamba, “Mimi ndimi Mlungu Mwenye Nguvu Zosi. Maishago niogopha na ukale bila ya lawama.

Maono 21:22

Mimi sionere Nyumba ya Kuvoya Mlungu himo mudzini mana ye Mwenyezi Mlungu Mwenye Nguvu Zosi na ye Mwana ngʼondzi anasagala mo mudzini. Kpwa hivyo taphana phatu phanjina pha kuvoya Mlungu.

Maono 1:8

Mwenyezi Mlungu, yekalako, ariyeko, na ndiyekalako, anaamba hivi, “Mimi ndimi Alifa na ndimi Omega, Mwenye Nguvu Zosi.”

Kutsama 15:23

Aphiya hadi achifika phatu phoihwa Mara, ambako aona madzi, ela gakala ga utsungu, kpwa hivyo taayaweza kuganwa. (Hicho ndicho chisa cha phatu hipho phaihwa Mara, manage Chieburania ni utsungu.)

Ayubu 9:18

Kaniricha angaa nisohe, ela ananihenda nkale na utsungu chila phatu.